இண்டிகோவுக்கு இழப்பு ரூ. 2,844 கோடி
இண்டிகோ விமானப் போக்குவரத்து நிறுவனத்துக்கு இந்த நிதியாண்டின் முதல் காலாண்டில் (ஏப். - ஜூன்) ரூ. 2,844.3 கோடி இழப்பு எனத் தெரிவித்துள்ளது.
இதுபற்றித் தெரிவித்துள்ள இண்டிகோவின் தாய் நிறுவனமான இன்டர்குளோப் ஏவியேஷன், விமான இயக்கத்தின் மூலமான வருவாய் 91.9 சதவிகிதம் குறைந்துவிட்டதாகவும் குறிப்பிட்டுள்ளது.
கரோனா நோய்த் தொற்றுப் பரவல் அச்சம் காரணமாக, விமானப் போக்குவரத்தையும் அரசு முற்றிலும் முடக்கியதைத் தொடர்ந்து, பெரும்பாலான விமானப் போக்குவரத்து நிறுவனங்கள் வருவாயின்றித் திணறிக் கொண்டிருக்கின்றன.
கடந்த ஆண்டு இதே காலகட்டத்தில் இண்டிகோ நிறுவனம், 1203.1 கோடி லாபம் ஈட்டியிருந்தது என்பது குறிப்பிடத் தக்கது.
