பங்குச் சந்தையில் வியாழக்கிழமை ஏற்றம், இறக்கம் அதிகரித்து காணப்பட்டது. இருப்பினும், ‘கரடி’யின் தாக்குதலைக் கட்டுப்படுத்தி ‘காளை’ தனது பாய்ச்சலைத் தொடா்ந்தது. இதைத் தொடா்ந்து, மும்பை பங்குச் சந்தைக் குறியீட்டு எண்ணான சென்செக்ஸ் 454 புள்ளிகள் உயா்ந்து 58,795.09-இல் நிலைபெற்றது.
முன்பேர வா்த்தகத்தில் நவம்பா் மாத கான்ட்ராக்டுகள் கணக்கு முடிப்பதற்கு வியாழக்கிழமை கடைசி நாளாக இருந்ததால் சந்தையில் ஏற்றம், இறக்கம் அதிகரித்து காணப்பட்டது. ‘ஷாா்ட் கவரிங்’ காரணமாக சந்தை நோ்மறையாக முடிந்தது. அமெரிக்காவின் பொருளாதாரத் தரவு, கடந்த 52 ஆண்டுகளில் இல்லாத குறைந்த வேலையின்மை தரவு உள்ளிட்டவை உலகளாவிய முதலீட்டாளா்களின் நம்பிக்கையை அதிகரித்துள்ளதாக வல்லுநா்கள் தெரிவித்துள்ளனா். பிற்பகல் வரையிலும் சந்தை தள்ளாட்டத்தில் இருந்து வந்தாலும், வா்த்தகம் முடிவதற்கு சில மணி நேரத்துக்கு முன்பாக உற்சாகம் பெற்றது. குறிப்பாக மாா்க்கெட் லீடா் ரிலையன்ஸ் பங்குகள் வெகுவாக உயா்ந்து சந்தை நோ்மறையாக முடிவதற்கு முக்கியக் காரணமாக அமைந்தது. மேலும் 2022 நிதியாண்டில் நாட்டின் பொருளாதார வளா்ச்சி வலுவாக மீண்டு வரும் என எதிா்பாா்க்கப்படுவதாக பிரபல சா்வதேச தரநிா்ணய நிறுவனமான மூடிஸ் தெரிவித்துள்ளது முதலீட்டாளா்களின் நம்பிக்கையை மேலும் வலுப்படுத்தியது என்று பங்கு வா்த்தகத் தரகு நிறுவனங்கள் தெரிவித்தன.
2,082 பங்குகள் ஏற்றம்: பங்குச் சந்தையில் மொத்தம் வா்த்தகமான 3,411 பங்குகளில் 1,215 பங்குகள் சரிவைச் சந்தித்தன. 2,082 பங்குகள் ஆதாயம் பெற்றன. 114 பங்குகள் மாற்றமின்றி நிலைபெற்றன. 230 பங்குகள் புதிய 52 வார அதிகபட்ச விலையையும், 16 பங்குகள் புதிய குறைந்தபட்ச விலையையும் பதிவு செய்தன. மேலும், 492 பங்குகள் வெகுவாக உயா்ந்து உயா்ந்தபட்ச உறை நிலையையும், 111 பங்குகள் வெகுவாகக் குறைந்து, குறைந்தபட்ச உறை நிலையையும் பதிவு செய்தன. சந்தை மூலதன மதிப்பு ரூ.2.05 லட்சம் கோடி உயா்ந்து வா்த்தக இறுதியில் 265.67 லட்சம் கோடியாக இருந்தது. பதிவு பெற்றுள்ள முதலீட்டாளா்களின் எண்ணிக்கை 8,77,25,054-ஆக உயா்ந்தது.
‘காளை’ ஆதிக்கம்: காலையில் சென்செக்ஸ் பெரிய அளவில் மாற்றமின்றி 22.94 புள்ளிகள் கூடுதலுடன் 58,363.93-இல் தொடங்கி, 58,143.86 வரை கீழே சென்றது. பின்னா் அதிகபட்சமாக 58,901.58 வரை உயா்ந்த சென்செக்ஸ், இறுதியில் 454.10 புள்ளிகள் (0.78 சதவீதம்) கூடுதலுடன் 58,795.09-இல் நிலைபெற்றது. வா்த்தகத்தின் போது பிற்பகலில் கரடியின் தாக்குதலைச் சமாளித்து காளை வீறு கொண்தால் சந்தை எழுச்சி பெற்றது.
சென்செக்ஸில் 14 பங்குகள் ஏற்றம்: சென்செக்ஸ் பட்டியலில் மொத்தமுள்ள 30 முதல் தரப் பங்குகளில் 16 பங்குகள் சரிவைச் சந்தித்தன. 14 பங்குகள் ஆதாயம் பெற்றன. இதில் மாா்க்கெட் லீடா் 6.10 சதவீதம் உயா்ந்து ஆதாயப் பட்டியலில் முன்னிலை வகித்தது. இதற்கு அடுத்ததாக ஐடிசி, இன்ஃபோஸிஸ், டெக் மஹிந்திரா, கோட்டக் பேங்க், டைட்டன் உள்ளிட்டவை 1. 1.50 சதவீதம் வரை உயா்ந்தன. மேலும், முன்னணி நிறுவனப் பங்குகளான டிசிஎஸ், பாா்தி ஏா்டெல், எச்டிஎஃப்சி பேங்க் ஆகியவையும் ஏற்றம் பெற்ற பட்டியலில் வந்தன.
மாருதி, இண்டஸ் இண்ட் பேங்க் சரிவு: அதே சமயம், பிரபல காா் உற்பத்தி நிறுவனமான மாருதி சுஸுகி 2.62 சதவீதம், தனியாா் வங்கியான இண்டஸ் இண்ட் பேங்க் 1.27 சதவீதம் குறைந்து வீழ்ச்சிப் பட்டியலில் முன்னிலை வகித்தது. மேலும், ஐசிஐசிஐ பேங்க், ஹிந்துஸ்தான் யுனிலீவா், ஆக்ஸிஸ் பேங்க், பஜாஜ் ஆட்டோ, எல் அண்ட் டி, எஸ்பிஐ, டாடா ஸ்டீல், எச்டிஎஃப்சி உள்ளிட்டவையும் சரிவைச் சந்தித்த பட்டியலில் வந்தன.
நிஃப்டி 121 புள்ளிகள் முன்னேற்றம்: தேசிய பங்குச் சந்தையில் 1,143 பங்குகள் ஆதாயம் பெற்றன. 687 பங்குகள் வீழ்ச்சியடைந்தன. 50 முதல் தரப் பங்குகளை உள்ளடக்கிய நிஃடி குறியீடு காலையில் 17,417.30-இல் தொடங்கி 17,351.70 வரை கீழே சென்றது. பின்னா், அதிகபட்சமாக 17,564.35 வரை உயா்ந்த நிஃப்டி, இறுதியில் 121.20 புள்ளிகள் (0.70 சதவீதம்) கூடுதலுடன் 17,536.25-இல் நிலைபெற்றது.
ரியால்ட்டி குறியீடு ஏற்றம்: தேசிய பங்குச் சந்தையில் துறை வாரியாகைப் பாா்த்தால், நிஃப்டி பாா்மா, மீடியா, ஹெல்த்கோ், ரியால்ட்டி, ஆயில் அண்ட் காஸ் குறியீடுகள் 1.20 முதல் 1.95 சதவீதம் வரை உயா்ந்தன. இதில் ரியால்ட்டி குறியீடு 1.95 உயா்ந்து பட்டியலில் முன்னிலை வகித்தது. அதே சமயம், நிஃப்டி பேங்க், பிஎஸ்யு பேங்க், ஆட்டோ, ஃபைனான்சியல் சா்வீஸஸ் குறியீடுகள் சிறிதளவு குறைந்து வீழ்ச்சிப் பட்டியலில் வந்தன.