இந்த வாரத்தின் முதல் வா்த்தக தினமான திங்கள்கிழமை பங்குச் சந்தையில் எழுச்சி இருந்தது. இதைத் தொடா்ந்து, மும்பை பங்குச் சந்தைக் குறியீட்டு எண்ணான சென்செக்ஸ், தேசிய பங்குச் சந்தைக் குறியீட்டு எண்ணான நிஃப்டி ஆகியவை மீண்டும் புதிய வரலாற்று உச்சத்தைப் பதிவு செய்தன. இறுதியில் சென்செக்ஸ் 167 புள்ளிகள் கூடுதலுடன் 58,296.91-இல் நிலைபெற்றது.
உலகளாவிய சந்தைக் குறிப்புகள் சாதகமாக இருந்தன. மேலும், ஆசிய சந்தைகளும் நோ்மறையாகத் தொடங்கின. இதன் தாக்கம் உள்நாட்டுச் சந்தைகளில் எதிரொலித்தது. இது தவிர அந்நிய நிறுவன முதலீட்டாளா்கள் இந்திய பங்குச் சந்தையில் மீண்டும் பங்குகளை அதிகம் வாங்கி வருவதும் முதலீட்டாளா்களின் உணா்வுகளை வலுப்படுத்தியுள்ளது என்று பங்கு வா்த்தகத் தரகு நிறுவனங்கள் தெரிவித்தன. மேலும், மாா்க்கெட் லீடரான முகேஷ் அம்பானியின் ரிலையன்ஸ் இண்டஸ்ட்ரீஸ், இன்ஃபோஸிஸ் ஆகியவையும் வெகுவாக உயா்ந்து சந்தையின் எழுச்சிக்கு உதவியாக இருந்தன. குறிப்பாக காலையில் சுணக்கம் கண்டாலும், பிற்பகலில் வா்த்தகம் சூடுபிடித்தது என்று வா்த்தகா்கள் தெரிவித்தனா்.
சந்தை மதிப்பு ரூ.254.99 லட்சம் கோடி: மும்பை பங்குச் சந்தையில் மொத்தம் வா்த்தகமான 3,495 பங்குகளில் 1,691 பங்குகள் ஆதாயம் பெற்றன. 1,627 பங்குகள் சரிவைச் சந்தித்தன. 177 பங்குகள் மாற்றமின்றி நிலைபெற்றன. 250 பங்குகள் புதிய 52 வார அதிகபட்ச விலையையும், 32 பங்குகள் குறைந்தபட்ச விலையையும் பதிவு செய்தன. மேலும், 380 பங்குகள் வெகுவாக உயா்ந்து உயா்ந்தபட்ச உறை நிலையையும், 250 பங்குகள் வெகுவாகக் குறைந்து, குறைந்தபட்ச உறை நிலையையும் அடைந்தன. சந்தை மூலதன மதிப்பு ரூ.77 ஆயிரம் கோடி உயா்ந்து ரூ.254.99 லட்சம் கோடியாக இருந்தது. பதிவு பெற்றுள்ள முதலீட்டாளா்களின் எண்ணிக்கை 7,86,56,602-ஆக உயா்ந்துள்ளது.
மீண்டும் புதிய உச்சம்: சென்செக்ஸ் காலையில் 281.67 புள்ளிகள் கூடுதலுடன் 58,411.62 -இல் தொடங்கி, 58,515.85 வரை உயா்ந்து புதிய வரலாற்று உச்சத்தைப் பதிவு செய்தது. பின்னா், 58,200.29 வரை கீழே சென்ற சென்செக்ஸ், இறுதியில் 166.96 புள்ளிகள் (0.29 சதவீதம்) கூடுதலுடன் 58,296.91-இல் புதிய வரலாற்று உச்சத்தில் நிலைபெற்றுள்ளது. சென்செக்ஸ் பட்டியலில் மொத்தமுள்ள 30 முதல் தரப் பங்குகளில் 13 பங்குகள் சரிவைச் சந்தித்தன. 17 பங்குகள் ஆதாயம் பெற்றன.
ஹெச்சிஎல் டெக் முன்னேற்றம்: பிரபல ஐடி நிறுவனமான ஹெச்சிஎல் டெக் 2.17 சதவீதம் உயா்ந்து ஆதாயப் பட்டியலில் முன்னிலை வகித்தது. இதற்கு அடுத்ததாக இன்ஃபோஸிஸ் 1.75 சதவீதம், ரிலையன்ஸ் 1.52 சதவீதம் உயா்ந்தன. மேலும், டெக் மஹிந்திரா, பஜாஜ் ஆட்டோ, எம் அண்ட் எம், ஹிந்துஸ்தான் யுனி லீவா், எல் அண்ட் டி எச்டிஎஃ)ப்சி, டிசிஎஸ் உள்ளிட்டவையும் ஏற்றம் பட்டியலில் இருந்தன.
இண்டஸ் இண்ட் பேங்க் வீழ்ச்சி: அதே சமயம், முன்னணி தனியாா் வங்கியான இண்டஸ் இண்ட் பேங்க் 1.13 சதவீதம் குறைந்து வீழ்ச்சிப் பட்டியலில் முன்னிலை வகித்தது. மேலும், கோட்டக் பேங்க், பவா் கிரிட், சன்பாா்மா, ஏசியன் பெயிண்ட், டைட்டன், ஐடிசி, எச்டிஎஃப்சி பேங்க் உள்ளிட்ட முன்னணி நிறுவனப் பங்குகளும் 0.50-0.90 சதவீதம் வரை சரிவைச் சந்தித்தன.
நிஃப்டி 54 புள்ளிகள் ஏற்றம் : தேசிய பங்குச் சந்தையில் மொத்தம் 891 பங்குகள் ஆதாயம் பெற்றன. 918 பங்குகள் சரிவைச் சந்தித்தன. 50 முதல் தரப் பங்குகளை உள்ளடக்கிய நிஃப்டி குறியீடு 54.20 புள்ளிகள் (0.31 சதவீதம்) உயா்ந்து 17,377.80-இல் புதிய வரலாற்று உச்சத்தில் நிலை பெற்றது. காலையில் 17,399.35-இல் தொடங்கிய நிஃப்டி, 17,429.55 வரை உயா்ந்து புதிய வரலாற்று உச்சத்தைப் பதிவு செய்தது. பின்னா் 17,345.55 வரை கீழே சென்றது. நிஃப்டி பட்டியலில் 24 பங்குகள் ஆதாயம் பெற்றன. 26 பங்குகள் சரிவைச் சந்தித்தன. நிஃப்டி ரியால்ட்டி குறியீடு 3.16 சதவீதம் உயா்ந்து ஆதாயப் பட்டியலில் முன்னிலை வகித்தது. மேலும், ஐடி, மீடியா 1.50 சதவீதம் வரை உயா்ந்தன. அதே சமயம், நிஃப்டி பேங்க், பிரைவேட் பேங்க், பிஎஸ்யு பேங்க், ஃபைனான்சியல் சா்வீஸஸ் குறியீடுகள் சரிவைச் சந்தித்த பட்டியலில் வந்தன.
