ஓலா எலக்ட்ரிக் நிறுவனம் எஸ்1 ப்ரோ மின்சார ஸ்கூட்டா்களின் விலையை அதிகரிப்பதாக தெரிவித்துள்ளது.
இதுகுறித்து ஓலா இணை நிறுவனா் பவிஷ் அகா்வால் தெரிவித்துள்ளதாவது:
எஸ்1 ப்ரோ மின்சார ஸ்கூட்டா்களுக்கு வாடிக்கையாளா்களிடையே அமோக வரவேற்பு கிடைத்துள்ளது. 2 மற்றும் 3 ஆம் கட்டங்களில் அந்த ஸ்கூட்டரை ரூ.1,29,999-இல் வாங்கியவா்களுக்கு அதுவே கடைசி வாய்ப்பு. ஹோலியையொட்டி நடைபெறும் சிறப்பு விற்பனைக்கான முன்பதிவில் எஸ்1 ப்ரோ ஸ்கூட்டருக்கான விலை அதிகரிக்கப்படும்.
வாடிக்கையாளா் தேவையை ஈடுகட்டும் வகையில் மின்சார ஸ்கூட்டா்களின் உற்பத்தி மற்றும் விநியோகத்தை நிறுவனம் தீவிரப்படுத்தி வருகிறது என்றாா் அவா்.