வோடஃபோன் - ஐடியா நிறுவனத்தில் அமேசான் நிறுவனம் முதலீடு செய்யவுள்ளதாக தகவல்கள் வெளியான நிலையில், அந்த நிறுவனத்தின் பங்குகள் அதிக அளவு விற்பனையாகியுள்ளன.
வோடஃபோன் - ஐடியா நிறுவனத்தில் அமெரிக்காவைச் சேர்ந்த அமேசான் நிறுவனம் ரூ.20,000 கோடி முதலீடு செய்யவுள்ளதாக தி கென் நிறுவனம் தகவல் தெரிவித்துள்ளது.
இதன் மூலம் வோடஃபோன் - ஐடியா நிறுவனத்தின் பங்குகள் தேசிய பங்குச்சந்தையில் அதிக அளவு விற்பனையாகியுள்ளன. ஏற்கெனவே அதிக அளவு கடன் பிரச்னையில் சிக்கியுள்ள இந்த நிறுவனம் முதலீடுகளை எதிர்பாத்து காத்திருந்த நிலையில், தற்போது அமேசான் நிறுவனம் முன்வந்துள்ளது.
வோடஃபோன் - ஐடியா நிறுவனம் திவாலாகும் நிலைமையிலுள்ளதால், அரசு உதவியை நாடியிருந்தது. மேலும் கடந்த மூன்று ஆண்டுகளாக வாடிக்கையாளர்களின் எண்ணிக்கையும் குறைந்து வருவதால், இழப்பை ஈடுசெய்யும் வகையில் கட்டணங்களையும் உயர்த்தியது.
இந்நிலையில் அமேசான் நிறுவனம் முதலீடு செய்ய முன்வந்துள்ளதால், வோடஃபோன் - ஐடியா நிறுவனத்தின் பங்குகள் பெருளவு விற்பனையாகியுள்ளன.