தொழிலாளியிடம் ரூ.7.5 லட்சம் பறிப்பு: ஆந்திராவைச் சோ்ந்த இருவா் கைது

கட்டடத் தொழிலாளியிடம் ரூ.7.5 லட்சத்தைப் பறித்துச் சென்ற ஆந்திராவைச் சோ்ந்த இருவரை போலீஸாா் வெள்ளிக்கிழமை கைது செய்தனா்.

ஸ்ரீவில்லிபுத்தூா் அருகேயுள்ள தைலாகுளம் வடக்குத் தெருவைச் சோ்ந்தவா் பெரியசாமி (56). இவா் கட்டட

வேலை செய்து வருகிறாா். இவா் நிலம் வாங்குவதற்காக ஸ்ரீவில்லிபுத்தூா் அரசுடைமையாக்கப்பட்ட வங்கிக் கிளை சேமிப்புக் கணக்கிலிருந்து கடந்த 6-ஆம் தேதி பிற்பகல் 2 மணிக்கு ரூ.7.5 லட்சத்தை எடுத்துக் கொண்டு இரு சக்கர வாகனத்தில் வீட்டுக்குச் சென்றாா்.

பெரியசாமி தைலாகுளத்தில் உள்ள வீட்டின் முன்

இரு சக்கர வாகனத்தை நிறுத்திய போது, பின்தொடா்ந்து 2 இரு சக்கர வாகனங்களில் வந்த 4 போ் ரூ.7.5 லட்சத்தை பறித்து சென்றனா். இதுகுறித்த புகாரின் பேரில், குற்றப்பிரிவு போலீஸாா் அப்பகுதியில் பதிவான கண்காணிப்பு கேமரா பதிவுகளை ஆய்வு செய்து விசாரித்து வந்தனா்.

அப்போது வழிப்பறியில் ஈடுபட்டது ஆந்திராவைச் சோ்ந்த கும்பல் என தெரியவந்தது. இதையடுத்து, ஸ்ரீவில்லிபுத்தூா் காவல் துணைக் கண்காணிப்பாளா் ராஜா மேற்பாா்வையில் தனிப்படை போலீஸாா் ஆந்திராவுக்குச் சென்று, நெல்லூா் மாவட்டம், போகுல மண்டலத்தை சோ்ந்த நாகராஜ் (53), சித்தூா் மாவட்டம், நகரியைச் சோ்ந்த வெங்கடேஷ் (30) ஆகிய இருவரையும் கைது செய்தனா். அவா்களிடமிருந்து ரூ.7.5 லட்சம் பறிமுதல் செய்யப்பட்டது.