கஞ்சா விற்றதாக இளைஞா் கைது

ஸ்ரீவில்லிபுத்தூா் அருகே கஞ்சா விற்றது தொடா்பாக இளைஞரை போலீஸாா் வெள்ளிக்கிழமை கைது செய்தனா்.

ஸ்ரீவில்லிபுத்தூா் அருகேயுள்ள நத்தம்பட்டி பகுதியில் போலீஸாா் ரோந்துப் பணியில் ஈடுபட்டனா். அப்போது, அயன்கரிசல்குளம் அரசு உயா்நிலைப்பள்ளி அருகே சந்தேகத்துக்கு இடமளிக்கும் வகையில் இரு சக்கர வாகனத்தில் நின்றிருந்த இளைஞரை பிடித்து சோதனையிட்டனா். அப்போது, அவா் விற்பனைக்காக கஞ்சா வைத்திருந்தது தெரியவந்தது.

விசாரணையில் அவா், அயன்கரிசல்குளம் தெற்குத் தெருவைச் சோ்ந்த சின்ன கருப்பையா மகன் பிச்சைக்கனி (29) என்பது தெரியவந்தது.

இதுகுறித்து நத்தம்பட்டி போலீஸாா் வழக்குப் பதிவு செய்து பிச்சைக்கனியை கைது செய்து, அவரிடமிருந்து கஞ்சா விற்பனை செய்த பணம் ரூ.78,210, விற்பனைக்கு பயன்படுத்திய இரு சக்கர வாகனம் ஆகியவற்றை பறிமுதல் செய்தனா்.