பள்ளி மாணவா்களுக்கான விரைவு சைக்கிள் போட்டி

தமிழ்நாடு விளையாட்டு மேம்பாட்டு ஆணையம் சாா்பில் பள்ளி மாணவா்களுக்கான மாவட்ட அளவிலான அண்ணா பிறந்த தின விரைவு சைக்கிள் போட்டி ஸ்ரீவில்லிபுத்தூரில் சனிக்கிழமை நடைபெற்றது.

இந்தப் போட்டியை சிவகாசி சாா் ஆட்சியா் பிரியா கொடியசைத்து தொடங்கி வைத்தாா். ஸ்ரீவில்லிபுத்தூா் மொட்டபொத்தான் கண்மாயில் தொடங்கி செண்பகத்தோப்பு சென்று

மீண்டும் தொடங்கிய இடம் வரை போட்டி நடத்தப்பட்டது. 13, 15, 17 வயது வாரியாக மாணவா்களுக்கு 15 கி.மீ., 20 கி.மீ. தொலைவு, மாணவிகளுக்கு 10 கி.மீ., 15 கி.மீ. தொலைவு என போட்டிகள் நடைபெற்றன. இதில் மாவட்டத்தின் பல்வேறு பள்ளிகளை சோ்ந்த 203 மாணவ, மாணவிகள் பங்கேற்றனா்.

முதல் பரிசாக ரூ.5 ஆயிரம், இரண்டாம் பரிசாக ரூ.3 ஆயிரம், மூன்றாம் பரிசாக ரூ.2 ஆயிரம், 4 முதல் 10-ம் இடம் பெற்றவா்களுக்கு ரூ.250 பரிசுத் தொகை, சான்றிதழ்களை சிவகாசி டி.எஸ்.பி (பொ) பாஸ்கா், காவல் ஆய்வாளா் முத்துக்குமாா் ஆகியோா் வழங்கினா். மாவட்ட விளையாட்டு அலுவலா் குமர மணிமாறன், உடற்கல்வி ஆய்வாளா் ஜாகிா் உசேன், உடற்கல்வி ஆசிரியா் முரசொலி ஆகியோா் ஏற்பாடுகளை செய்தனா்.