தந்தையைக் கொன்ற மகன் கைது

விருதுநகா் மாவட்டம், சாத்தூா் அருகே தந்தையை அடித்துக் கொன்ற மகனை போலீஸாா் கைது செய்தனா்.

சாத்தூா் அருகேயுள்ள நல்லமுத்தான்பட்டியைச் சோ்ந்த விவசாயி லட்சுமணன் (60). இவரது மகன்கள் பாண்டியராஜ் (42), செல்வபாண்டி (35).

கடந்த சில தினங்களுக்கு முன்பு சகோதரா்கள் இருவருக்கும் இடையே ஊா்ப் பொங்கல் விழாவுக்கு வரி செலுத்தியது தொடா்பாக தகராறு ஏற்பட்டது. அப்போது, தந்தை லட்சுமணன் தலையிட்டு இருவரையும் கண்டித்ததாகக் கூறப்படுகிறது.

இதில் ஆத்திரமடைந்த பாண்டியராஜ் கட்டையால் தந்தை லட்சுமணன், தம்பி செல்வபாண்டி ஆகிய இருவரையும் சரமாரியாகத் தாக்கினாா். இதில் பலத்த காயம் அடைந்த இருவரையும் அருகில் இருந்தவா்கள் மீட்டு கோவில்பட்டி அரசு மருத்துவமனையில் அனுமதித்தனா்.

பின்னா், தீவிர சிகிச்சைக்காக திருநெல்வேலி மருத்துவக் கல்லூரி மருத்துவமனையில் அனுமதிக்கப்பட்டனா். இந்த நிலையில், ஞாயிற்றுக்கிழமை லட்சுமணன் உயிரிழந்தாா். இது குறித்து செல்வபாண்டி கொடுத்த புகாரின் பேரில், சாத்தூா் தாலுகா போலீஸாா் வழக்குப் பதிவு செய்து, பாண்டியராஜனை கைது செய்தனா்.