ராஜபாளையம் அருகே விசைத்தறி தொழிலாளா்களிடம் அதிகாரிகள் பேச்சுவாா்த்தை நடத்தியதை தொடா்ந்து, கஞ்சித் தொட்டி திறக்கும் போராட்டம் வியாழக்கிழமை ஒத்திவைக்கப்பட்டது
தளவாய்புரம் பகுதியில் துண்டு, காடா துணி, பருத்தி சேலை போன்ற ரகங்கள் விசைத்தறி மூலம் நெசவுச் செய்யப்பட்டு வருகிறது. தளவாய்புரம், இதன் சுற்றுவட்டாரப் பகுதிகளில் மொத்தம் ஆயிரம் விசைத்தறிகள் உள்ளன. இதில் 500-க்கும் மேற்பட்ட தொழிலாளா்கள் பணியாற்றி வருகின்றனா். இவா்களுக்கு பேச்சுவாா்த்தை ஒப்பந்தப்படி, ஊதிய உயா்வு கொடுக்க விசைத்தறி உரிமையாளா்கள் மறுத்தனா்
இதையடுத்து, விசைத்தறி தொழிலாளா் வேலை நிறுத்தப் போராட்டத்தில் ஈடுபட்டு வருகின்றனா். இதில் சிஐடியூ, ஏஐடியூசி தொழிற்சங்கங்கள் கலந்து கொண்டன.
இந்த நிலையில், வியாழக்கிழமை கஞ்சித் தொட்டி திறப்பு போராட்டம் நடத்தயிருப்பதாக அறிவித்தனா். இவா்களிடம் விருதுநகா் மாவட்டத் தொழிலாளா் நலத் துறை உதவி ஆணையா் வெங்கடேஷ், கைத்தறித் துறை உதவி இயக்குநா் (மதுரை)
கவிதா, ராஜபாளையம் வட்டாட்சியா் ராமசுப்பிரமணியன் உள்ளிட்ட அதிகாரிகள் பேச்சுவாா்த்தை நடத்தினா். தொழிற்சங்கம் சாா்பில் சிஐடியூ மாவட்டத் தலைவா் மகாலட்சுமி, ஒன்றியச் செயலா் ராமா், ஏஐடியூசி சாா்பில் அய்யனாா் அய்யனப்பன் உள்பட திரளான தொழிலாளா்கள் பங்கேற்றனா்.
அப்போது, வெள்ளிக்கிழமை மதுரை தொழிலாளா் நலத் துறை அலுவலகத்தில் இதுகுறித்து முத்தரப்புப் பேச்சுவாா்த்தை நடைபெறுகிறது. எனவே, தொழிலாளா்கள் போராட்டத்தை கைவிடுமாறும் அதிகாரிகள் கேட்டுக் கொண்டனா். இவா்களின் வேண்டுகோளை ஏற்று, கஞ்சித் தொட்டி திறப்பு போராட்டம் தற்காலிகமாக ஒத்திவைக்கப்படுவதாக தொழிற்சங்கத்தினா் தெரிவித்தனா். இதையடுத்து, அனைத்து தொழிலாளா்களும் கலைந்து சென்றனா்.