• "ஊசி போடுற மாடல் ஜாக்கெட் தைக்கணுமா? புரியலையே...''
"ஜாக்கெட் கையிலே
பெரிய ஓட்டை வச்சுத்
தைச்சுக் கொடுங்க''
விஜயா சுவாமிநாதன்,
திருச்சி.
• "அவர் மாதத்துக்கு
எப்படியும் பத்து பதினைந்து படத்துக்குப் பூஜை
போட்டுடுவாரு''
"அவ்வளவு பெரிய
டைரக்டரா?''
"இல்லை...
நல்ல சாஸ்திரிகள்''
ஏ.எஸ்.இராஜேந்திரன், வெள்ளூர்.
• "பொண்ணுக்கு ஆடத் தெரியுமா? பாடத் தெரியுமா?''
"அதுக்கு முன்னாடி உங்க பையனுக்குச்
சமைக்கத் தெரியுமான்னு சொல்லுங்க''
சங்கீத சரவணன், மயிலாடுதுறை.
• "ஒரே தொடர் கனவா வருது''
"எப்படி தொடர் கனவுன்னு சொல்றே?''
"எபிசோட் நம்பர் போட்டு வருதே''
ஏ.நாகராஜன், பம்மல்.
• "ஏங்க... பக்கத்து
வீட்டுக்காரரு
வாக்கிங் போக
கூப்புடுறாரு''
"முடியாது. வாக்கிங்
போகும்போது சமையல்
எப்படிச் செய்றதுன்னு உயிரை வாங்குவாரு''
ம.வேதவள்ளி,
பொரவச்சேரி.
• "அறைகூவலை ஏன் பாதியிலேயே நிறுத்திட்டார்?''
" "அரை' கூவலாம்''
என்.பர்வதவர்த்தினி, சென்னை-75.