சுடச்சுட

    
    KETTA

    கண்டது
    • ( சங்கராபுரத்தில் கண் கண்ணாடிக் கடை ஒன்றில்)
    தாய்மொழி கண் போன்றது;
    பிற மொழி கண்ணாடி போன்றது.
    கோ.குப்புசுவாமி, சங்கராபுரம்.

    • (சங்கரன்கோவில் முப்பிடாரி அம்மன் கோயில் அருகே உள்ள ஒரு சலூனின் பெயர்)
    அம்பாசிட்டர் சலூன்
    சு.ஆறுமுகம், கழுகுமலை.

    • (ஈரோடு மாவட்டம் புஞ்சைபுளியம்பட்டியில் உள்ள ஒரு துணிக்கடையின் பெயர்)
    JAIL  ARREST TO THE FASHION
    மு.கல்யாணசுந்தரம், கோயம்புத்தூர்.

    • (நன்னிலத்தில் ஒரு கும்பாபிஷேக போஸ்டரில்)
    வசனம் தேவையில்லை...
    வரலாறு தேவை.
    சி.முருகேசன், மாப்பிள்ளைக்குப்பம். 

    எஸ்எம்எஸ்
    உலகிலேயே எல்லாரையும் 
    அமைதிப்படுத்தி
    சும்மா இருக்க வைக்கும் ஆயுதம்...
    செல்போன்.
    சக்திக்கொடி, சேலம்.

    கேட்டது
    • (திருவண்ணாமலை கார்கானாத் தெருவில் உள்ள ஒரு வீட்டில் கணவனும், மனைவியும்)
    "ஏங்க இன்னிக்கு காலையிலே உங்க ஊர்ல இருந்து போன் வந்திச்சா?''
    "எதுக்கு கேக்குற?''
    "இன்னிக்கு விடிகாத்தலே உங்கம்மா சீரியசா இருக்குற மாதிரி கனவு 
    கண்டேன்''
    டி.யாழினி, திருவண்ணாமலை.

    • (சங்கரன்கோவிலில் ஒரு பிரபலமான மருத்துமனையில் )
    "டாக்டர் 12 மணிக்கு நீங்க சாப்பிடச் சொன்ன 
    மாத்திரையை காலைல 6 மணிக்கே 
    சாப்பிட்டுட்டேன்''
    "அப்புறம் என்னாச்சு?''
    "கடிகாரத்தை 12 மணிக்குத் திருப்பி வச்சுட்டேன்''
    க.சூரிய பிரகாஷ், மேல அழகு நாச்சியாபுரம்.

    யோசிக்கிறாங்கப்பா!
    தேடி அலைந்து கொண்டே இரு...
    வேண்டியது கிடைக்கும் வரை.
    அது உன் அருகில் இருந்தால் அதிர்ஷ்டம்.
    தூர இருந்தால் நம்பிக்கை.
    கிடைக்காமல் போனால் அனுபவம்.
    பி.சி.ரகு. பள்ளிச்சேரி.

    அப்படீங்களா!
    குழந்தைகளைப் பள்ளிக்கு வாகனங்களில் அனுப்பிவிட்டு பயந்து கொண்டே இருப்பது இங்கு மட்டுமல்ல, வெளிநாடுகளிலும் இருக்கவே செய்கிறது. செக்கோஸ்லோவேகியாவைத் தலைமையிடமாகக் கொண்டு செயல்படும் SKODA கார் நிறுவனம், தற்போது இணைய தள இணைப்புடன் கூடிய காரைத் தயாரித்துள்ளது. அது அந்தப் பயத்தைப் போக்கியுள்ளது. 
    இந்தக் கார் ஜிபிஎஸ் சிஸ்டத்துடன் இணைக்கப்பட்டு, கார் எங்கு செல்கிறது என்பதை கார் உரிமையாளர் தனது செல்போன் மூலமாகத் தெரிந்து கொள்ளலாம். 
    குழந்தைகளைப் பள்ளிக்கு அழைத்துச் செல்லும் கார் டிரைவர், பாதை மாற்றி பயணம் செய்தால், உடனே அந்தத் தகவல் குழந்தையின் பெற்றோரின் செல்போனுக்கு வந்துவிடும். 
    ஒரு காரை வீட்டில் உள்ள நான்கு பேர் நான்கு வெவ்வேறிடங்களுக்கு... வெவ்வேறு நேரங்களில் செல்வதை வழக்கமாக வைத்துக் கொண்டிருக்கிறார்கள் என்றாலும், காரின் உரிமையாளரின் செல்போனில் பாதை மாறியது தெரிந்துவிடும். 
    கல்லூரிக்கு "கட்' அடித்துவிட்டு, ஊர் சுற்றும் மாணவர்களுக்குத்தான் பிரச்னை!
    என்.ஜே., சென்னை-58


     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai