சுரேஷ் காமாட்சியின் வி ஹவுஸ் புரொடக்ஷன்ஸ் மற்றும் அஸ்வின் கே.வின் மார்ச் 30 நிறுவனங்கள் இணைந்து தயாரித்து வரும் படம் "ரூம்'.
"அம்முவாகிய நான்', "நேற்று இன்று' படங்களை இயக்கிய பத்மாமகன் இப்படத்தை எழுதி இயக்குகிறார். தமிழ் தெலுங்கு கன்னடம் என மூன்று மொழிகளில் இப்படம் தயாராகி வருகிறது. அபிஷேக் வர்மா, மனோசித்ரா நடிக்கின்றனர்.
படத்தின் பெரும் பகுதி காட்சிகள், ஒரு பாத்ரூமுக்குள் நிகழ்வதாகத் திரைக்கதை அமைக்கப்பட்டுள்ளது.
த்ரில்லர் பாணியில் கதை உருவாகியுள்ளது. ஒரு அறைக்குள் முழுப் படமும் நடப்பதால், இது படம் பார்க்கும் ரசிகர்களுக்கு ஒரு ஆச்சர்யமான அனுபவமாக இருக்கும். எம்.எஸ்.பிரபு ஒளிப்பதிவு செய்கிறார். தெலுங்கு சினிமாவில் பிரபலமான வினோத் யஜமான்யா இப்படத்துக்கு இசையமைக்கிறார். சி.எஸ்.பிரேம் படத்தொகுப்பு செய்கிறார். இந்தப்படத்தின் படப்பிடிப்பு முடிவடைந்து, இறுதிக் கட்டப் பணிகள் நடந்து வருகிறது.