கவுண்டமணி, வடிவேலு, விவேக், சந்தானம், யோகி பாபு வரிசையில் கதாநாயகனாக நடிக்கிறார் காமெடியன் சாம்ஸ். படத்தின் பெயர் "ஆபரேஷன் ஜுஜுபி'. இப்படத்தில் சாம்ஸூக்கு மனைவியாக வினோதினி வைத்தியநாதன் நடிக்கிறார். படவா கோபி, ராகவ், ஜெகன்,சந்தானபாரதி, வெங்கட் சுபா, வையாபுரி உள்ளிட்டோர் கதையின் பிரதான கதாபாத்திரங்களே ஏற்று நடிக்கின்றனர். கதை எழுதி இயக்குகிறார் அருண்காந்த். படம் குறித்து அவர் பேசும் போது... "" ”சாம்ûஸ முதல் முறையாக ஹீரோவாக நடிக்க வைத்திருக்கிறேன். மிகப்பெரிய ஆபரேஷன் ஒன்றை சர்வசாதாரணமாக கையாளுவது தான் கதை. அதனால் தான் படத்திற்கு "ஆபரேஷன் ஜுஜுபி' என்று தலைப்பு வைத்திருக்கிறோம்.
இது பேண்டஸி அரசியல் படமாகும். ஒரு தனி மனிதன் சந்தோஷமாக வாழ்வதற்காக ஒரு நாடு உருவாக வேண்டும், என்ற சாமானிய மக்களின் கனவு தான் இதன் திரைக்கதை.
இந்தியாவை ஒரு மகிழ்ச்சி மிக்க நாடாக எப்படி மாற்றுகிறார்கள், என்பது தான் கதை. வித்தியாசமான படமாக இருப்பதோடு, புதிய முயற்சியாகவும், சோதனை முயற்சியாகவும் இப்படம் இருக்கும். தமிழ் மற்றும் ஆங்கிலம் என இரு மொழிகளில் உருவாகியுள்ள இப்படத்தை தணிக்கை குழுவினர் படத்தை வெகுவாக பாராட்டியுள்ளனர்'' என்றார்.