வேலன் புரடக்ஷன்ஸ் சார்பில் வி.எம். முனிவேலன் தயாரிப்பில் உருவாகியுள்ள ஆக்ஷன் த்ரில்லர் படம் "வெப்'. அறிமுக இயக்குநர் ஹாரூண் இயக்குகிறார். நட்டி, ஷில்பா மஞ்சுநாத் நடிக்கின்றனர். கார்த்திக் ராஜா இந்த படத்திற்கு இசையமைக்கிறார். கிறிஸ்டோபர் ஜோசப் ஒளிப்பதிவு செய்யும் இந்தப் படத்திற்கு படத்தொகுப்பை சுதர்சன் மேற்கொள்கிறார். ஐ.டி தொழில்துறை வளர ஆரம்பித்த பின்பு கிழக்குக் கடற்கரை சாலையில் புதிதாக உருவெடுத்த பார், பப் கலாசாரத்தை மையப்படுத்திய கதை.
சமீபத்தில் "புஷ்பா' படத்தில் மிகப்பெரிய ஹிட் அடித்த "ஓல்றியா மாமா..' பாடலை தொடர்ந்து நடிகை ஆண்ட்ரியா "வெப்' படத்துக்காக " சொவீக் டே ஃபுல்லா வேலை செய்ய கழுத்துல டைய்.. வீக்கென்ட் வந்தா ஏத்திக்கிட்டு ஆகிடலாம் ஹை.. இரவு முடியும் வரை... நீ ஆடு..' எனும் பாடலை பாடியுள்ளார். பாடலை மிர்ச்சி விஜய் எழுதியுள்ளார்.