தமிழ், தெலுங்கு, மலையாளம், கன்னடம் உள்ளிட்ட தென்னிந்திய மொழிகளில் 1980 காலக் கட்டத்தில் முன்னணி நடிகைகளில் ஒருவராகத் திகழ்ந்தவர் ராதிகா.
இயக்குநர் பாரதிராஜாவின் அறிமுகங்களில் ஒருவராக தமிழ் சினிமாவுக்கு வந்தவர் ராதிகா. ரஜினி, கமல், விஜயகாந்த், சிரஞ்சீவி உள்ளிட்ட முன்னணி நடிகர்களுடன் ஜோடியாக நடித்துள்ளார். தற்போது 300 படங்களுக்கு மேல் நடித்துவிட்ட ராதிகா சில ஹிந்திப் படங்களிலும் நடித்துள்ளார். தற்போது நீண்ட இடைவெளிக்குப் பிறகு "மெர்ரி கிறிஸ்துமஸ்' என்ற பாலிவுட் படத்தில் நடிக்கிறார்.
இதில் விஜய் சேதுபதி, கத்ரினா கைப் நடிக்கிறார்கள். ஸ்ரீராம் ராகவன் இயக்குகிறார். இந்தப் படத்தில் ராதிகா டெரர் போலீஸ் அதிகாரியாக நடிக்கிறார். நானும் ரவுடிதான் படத்தில் விஜய் சேதுபதியின் அம்மாவாகவும், போலீஸ் வேடத்தில் நடித்திருந்தார் ராதிகா. அதேபோன்றே இந்தப் படத்தில் நடிப்பதாகவும் கூறப்படுகிறது.