முக நூலிலிருந்து....
* நேர்மறையான அணுகுமுறையுள்ள
மனிதன்,
எல்லா பருவகாலங்களிலும்
கிடைக்கும் பழம்.
சுந்தரபுத்தன்
* எதிர்பார்க்கும் நேரத்தில்
எந்த அழைப்பும் வருவதில்லை...
கண்ணுறங்கும் நேரத்தில் வரும் அழைப்புகள்
தூங்க விடுவதில்லை...
அயர்ந்து உறங்கும் வேளையில்
விளையாட்டு காட்டும்
சிறுகுழந்தையும், செல்ஃபோனும் ஒன்றே..
கிரிதரன்
* எங்கப்பா தறி நெய்துதான்
எங்களை வளர்த்தார்...
"நூலோடு வாழும் வாழ்க்கை
என்னோடு போகட்டும்..
நீ படி' என்றார் அப்பா..
தறி நூலை விட்டு
நான் படித்த "நூல்'களே நான்..
கவிதா பாரதி
* நாளொன்றுக்கு ஓரடி வளரும்
மூங்கில் புதர்களைவிட
எந்தப் பெரு நகரக் கட்டடங்களும்
ஆச்சரியத்திற்குரியதல்லா...
யவனிகா ஸ்ரீராம்
சுட்டுரையிலிருந்து...
* ஒரு ஊர்ல ஒரு விஞ்ஞானி
தவளைய பற்றி ஆராய்ச்சி பண்றதா...
அதோட 4 காலையும் வெட்டிட்டு...
அது கிட்ட "ஜம்ப்'னு சொன்னானாம்.
அது எந்த அசைவும் இல்லாம
இருந்ததை கூர்மையா கவனிச்சுட்டு
தவளைக்கு 4 காலையும் வெட்டிட்டா,
அதுக்கு காது கேக்காதுன்னு
முடிவுக்கு வந்தானாம்!
மண்ணாங்கட்டி
* பிரியங்களிடம்
திடும்மென்று
சிறிய இடைவெளியை
ஏற்படுத்தி
அமைதியாகி
விடுகிறோம்...
அவர்களே நாடிவந்து
"ஏன் பேசவில்லை?''
என்று கேட்டுவிட
மாட்டார்களா?
எனும் பரிதவிப்பை
மறைத்தபடி.
யாத்திரி
* "பெண்ணைக் கல்யாணம்
பண்ணிக் கொடுத்துட்டு
ஏன் இப்படி சோகமா
இருக்கீங்க?''
" பெண் பார்க்க வரும்போது பையனை என்ன வேலைன்னு கேட்டேன்.
பையன் அஐத ஈஐஊஊமநஐஞச ஊஐல அசஈ ஙஞசஐபஞதஐசஎ
நஇஐஉசபஐநபன்னு சொன்னான்.
பெரிய வேலையா இருக்கும்னு நினைத்தேன்.
போன வாரம் விசாரிச்சதுல பையன் பஞ்சர் ஒட்டற கடை
வெச்சுருக்கானாம்.''
ரிலாக்ஸ் ப்ளீஸ்
வலைதளத்திலிருந்து...
பொதுவாக கொசுக்கள் சில குறிப்பிட்ட வகையினரை மட்டும் அதிகமாக தாக்குவதாக ஆராய்ச்சி முடிவுகள் தெரிவிக்கின்றன. இப்போது கொசுக்களின் தாக்குதலுக்கு அதிகம் ஆட்படும் ஐந்து பிரிவினரைப் பார்ப்போம்.
1) மது அருந்துபவர்கள் : வாய்யா வாய்யா என் டாஸ்மாக் தங்கம். 2011 -இல் நடத்தப்பட்ட ஒரு பிரெஞ்சு ஆய்வின்படி மது அருந்துபவர்கள் இரத்தத்தை கொசுக்கள் மிகவும் விரும்பிக் குடிக்கிறதாம். மது அருந்தாதவர்களை விட மது அருந்துபவர்கள் 30% அதிகம் கொசுக்களின் தாக்குதலுக்கு உள்ளாகிறார்களாம்.
2) குண்டாக இருப்பவர்கள்: கொசுக்களின் அடுத்த இலக்கு கொழுத்த சரீரம் உடையவர்கள். கொசுக்களுக்கு எப்பொழுதுமே கார்பன் டை ஆக்சைடு மீது ஒரு ஈர்ப்பு உண்டு . கொளுத்த சரீரம் உடையவர்கள் மீதிருந்து வெளியாகும் அதிகப்படியான உஷ்ணம் மற்றும் கார்பன் டை ஆக்சைடு கொசுக்களை அதிகம் ஏற்பதாக Annals of Internal Medicine என்ற நிறுவனத்தின் ஆராய்ச்சி தெரிவிக்கிறது.
3) உடற்பயிற்சி செய்பவர்கள்: "இது என்னடா கொடுமையா இருக்குது' என்று நாம் நினைக்கலாம். நல்ல உடற்பயிற்சி செய்பவர்கள் உடலிலுள்ள வெப்ப ஈர்ப்பு, அவர்கள் உடலில் இருந்து வெளியாகும் அதிகப்படியான கார்பன் டை ஆக்சைடு மற்றும் அவர்கள் உடலிலுள்ள லாக்டிக் அமிலம் போன்ற வேதிப்பொருட்கள் உடற்பயிற்சி செய்பவர்களை கொசுக்களுக்கு அடையாளம் காட்டுவதாக Susan Paskewitz என்ற அமெரிக்க ஆராய்ச்சியாளர் தெரிவிக்கிறார்.
4) இரத்த வகைகள்: பிளட் குரூப்பை நாமெல்லாம் எவ்வளவு கஷ்டப்பட்டு கண்டுபிடிக்கிறோம். ஆனால் கொசுக்கள் எப்படித்தான் கண்டுபிடிக்கிறதோ தெரியவில்லை . 83% கொசுக்கள் "ஞ' குரூப் இரத்தம் இருப்பவர்களைக் கண்டால் அங்கிருந்து நகராது என்று கூறுகிறது ஆராய்ச்சி முடிவு. எப்படித்தான் கண்டு பிடிக்கிறதோ தெரியவில்லை.
5) கர்ப்பிணிப் பெண்கள் : அட கொசுக்களே... உங்களுக்கு இரக்கமே இல்லையா? கர்ப்பிணிப் பெண்களிடமிருந்து வெளியாகும் அதிகப்படியான கார்பன் டை ஆக்சைடு மற்றும் அவர்கள் வயிற்றுப்பகுதியிலுள்ள அதிகப்படியான உஷ்ணம் கொசுக்களை அதிகம் ஈர்க்கின்றதாம். சாதாரண பெண்களை விட கர்ப்பிணிப் பெண்கள் இருமடங்கு அதிகம் கொசுக்களின் தாக்குதலுக்கு உள்ளாவதாகக் கூறுகிறார்கள் ஆராய்ச்சியாளர்கள்.
http://koodalbala.blogspot.com