நவீனம் என்ற முறையில் இன்று அனைத்துத் துறைகளும் கணினிமயமாகிவிட்டன. இதனால் கணினி படிப்புகளுக்கும் சமீப காலத்தில் அதிகமுக்கியத்துவம் கொடுக்கப்பட்டு வருகிறது. எந்தவொரு துறையானாலும் எந்தவொரு வேலையானாலும் கணினி தொடர்பின்றி எதுவும் இல்லை என்ற நிலை வந்துவிட்டது. வேலையை எளிதாகச் செய்யவும் தரவுகளைச் சேமித்து அதனை நொடிப்பொழுதில் பயன்படுத்தவும் கணினிமயம் அவசியமே.
அந்தவகையில், அனைத்து நிறுவனங்களும் தங்கள் துறைகளில் சமீபத்திய தொழில்நுட்பங்களைத் தெரிந்தவர்களையே வேலைக்கு அமர்த்துவதில்
முன்னுரிமை கொடுத்து வருகின்றன.
தொழில்நுட்பங்களிலும் தொடர்ந்து வளர்ச்சி ஏற்பட்டுக் கொண்டிருப்பதால் மிகவும் வேகமாக அவற்றை நாம் கற்றுக் கொள்ள வேண்டியதுஅவசியமாகிறது.
இனி வரும் காலங்களில் இளைஞர்கள் அவசியம் கற்றுக் கொள்ள வேண்டிய கணினி தொடர்பான முக்கிய படிப்புகள் எவை என்று பார்ப்போம்.
கம்ப்யூட்டர் சயின்ஸ் என்ஜினியரிங் வரும் காலத்தில் இன்னும் கணினிமயமாகும் சூழலில் கண்டிப்பாக ஐடி துறை மேலும் வளர்ச்சி காணும் வாய்ப்பு அதிகம். வளர்ச்சி இல்லை எனினும் இதே நிலையிலாவது இருக்கும். எனவே, பொறியியல் படிக்க விரும்புபவர்கள் கம்ப்யூட்டர் சயின்ஸ்என்ஜினியரிங் படிப்பைத் தேர்வு செய்யலாம். இது 4 ஆண்டு இளங்கலைப் பட்ட படிப்பாகும். வன்பொருள், மென்பொருள், நெட்வொர்க்கிங், கணினி மற்றும் தகவல் தொழில்நுட்பம் ஆகிய அனைத்தையும் உள்ளடக்கியது இந்தப் படிப்பு.
அனைத்து பொறியியல் கல்லூரிகளிலும் உள்ள இந்த படிப்பை ஐஐடி போன்ற பெரிய கல்வி நிறுவனங்களில் படிக்க விரும்பினால் ஜேஇஇ உள்ளிட்ட நுழைவுத் தேர்வுகளை எழுத வேண்டும்.
டேட்டா சயின்ஸ்டிஜிட்டல்மயமாக்கலின் ஒரு முக்கியமான வேலை, தரவுகளைச் சேமித்து வைப்பது. அத்துடன் தேவைப்படும் தரவுகளை, தேவைப்படும் நேரத்தில் தரவிறக்கம் செய்வது.
அனைத்துத் துறைகளும் தற்போது தரவுகளைகணினியில்/ஆன்லைனில் சேமித்து வைப்பதாலும்தரவுகளின் அளவு அதிகரித்து வருவதாலும் வரும் காலத்தில் டேட்டா சயின்ஸ் படிப்புக்கான தேவைஇன்னும் அதிகரிக்கும்.
இந்தப் படிப்பின்கீழ், பகுப்பாய்வு, மாடலிங், தரவு காட்சிப்படுத்துதல், இயந்திர கற்றல் உள்ளிட்டவை பற்றி படிக்கலாம். படிப்பை முடித்த பிறகு, பகுப்பாய்வு மேலாளர், தரவு ஆய்வாளர், புள்ளியியல் நிபுணர் போன்ற பணிகள் காத்திருக்கின்றன.
செயற்கை நுண்ணறிவு
செயற்கை நுண்ணறிவு தொழில்நுட்பத்தின் அவசியம் குறித்து சொல்லித் தெரிய வேண்டியதில்லை. தகவல் தொழில்நுட்பம், வங்கிகள் என அனைத்து துறைகளிலும் வேலைகளிலும் இன்று ஆன்லைனில் ஒரே நேரத்தில் அனைவரும் கையாளக் கூடிய விஷயங்கள் அனைத்துக்கும் காரணம் செயற்கை நுண்ணறிவு தொழில்நுட்பம்.
செயற்கை நுண்ணறிவு தொழில்நுட்பத்தில் டிப்ளமோ, இளங்கலை, முதுகலை, முனைவர் பட்டம் வரைபடிப்புகள் உள்ளன. பட்டயப் படிப்பு முடித்தவர்கள், சான்றிதழ் படிப்புகளையும் படிக்கலாம்.
நிரலாக்கம், இயற்கணிதம், புள்ளியியல்,அல்காரிதம் மற்றும் தொழில்நுட்பத்தில் சிக்கலைத்தீர்க்கும் நுட்பங்கள் குறித்த படிப்பு. பெங்களூருமற்றும் ஹைதராபாத்தில் இதற்கென தனித்துவம் பெற்றகல்லூரிகள் உள்ளன.
டிஜிட்டல் மார்க்கெட்டிங் - எஸ்இஓடிஜிட்டல்
மார்க்கெட்டிங் என்பது எஸ்இஓ எனப்படும் சர்ச் என்ஜின் ஆப்டிமேஷன் பணியையும்உள்ளடக்கியது. தங்கள் நிறுவனங்களின் இணையதளங்கள் எந்த அளவுக்கு மக்களைச் சென்றடைந்துள்ளன, கூகுள் தேடலில் முன்னுரிமை கிடைக்க வழிகள், சமூக வலைதளங்களில் மார்க்கெட்டிங் உள்ளிட்டதகவல்களைத் தெரிந்து கொள்ள இந்தப் படிப்பு உதவும்.
டிஜிட்டல் மார்க்கெட்டிங் துறைக்குச் செல்பவர்கள் கண்டிப்பாக இது குறித்த அடிப்படை அறிவைப் பெற்றிருக்க வேண்டும்.
கணினிமயமாக்கலில் எஸ்இஓ பணிகளுக்கான வேலைவாய்ப்புகள் அதிகமாகவே உள்ளது. எனினும் புதிதாக பணியைத் தொடங்குபவர்கள் அதிக
ஊதியத்தை எதிர்பார்க்க முடியாது.
நெட்வொர்க் அண்ட் சைபர் செக்யூரிட்டி
எந்தவொரு துறை வளர்ச்சி அடைகிறதோ அந்தஅளவுக்கு அச்சுறுத்தல்களும் அதிகமாகவே இருக்கும். அந்த வகையில் முழுக்க முழுக்க தொழில்நுட்பங்கள் மூலமாக இயங்கும் கணினியில் அதே மாதிரியானமற்றொரு தொழில்நுட்பம் மூலமாக பாதுகாப்புஅச்சுறுத்தல்களும் வரும். எனவே, வேறு யாரும் நமது தரவுகளை பயன்படுத்தா வண்ணம் பாதுகாக்கவே நெட்ஒர்க் அண்ட் சைபர் செக்யூரிட்டி படிப்புகள் பயன்படுகின்றன.
பாதுகாப்பான ஆன்லைன் பரிவர்த்தனைகள் முதல் ஆன்லைன் வணிகம் வரை அனைத்தும் இதில்அடங்கும். இதற்கான ஆன்லைன் சான்றிதழ் படிப்புகளும் தற்போது அதிகம் இருக்கின்றன.
மொபைல் அப்ளிகேஷன் டெவலப்மெண்ட்
செல்லிட பேசிகளின் பயன்பாடு அதிகரித்துவிட்ட நிலையில், பயனர்கள் எளிதாகப் பயன்படுத்தும் பொருட்டும், ஆன்லைன் தளங்களைப் போலவே செல்லிட பேசிகளுக்கான செயலிகளும் அதிகரித்துவிட்டன. செல்லிட பேசியில் பயன்படுத்துவதெற்கென பிரத்யேகமாக செயலிகள் வடிவமைக்கப்படுகின்றன.
"அப்ளிகேஷன் டெவலப்பர்' எனும் இந்த பணியில் ஆண்ட்ராய்டு, ஐஓஎஸ், விண்டோஸ் போன்ற ஓ.எஸ். தொழில்நுட்பங்களில் இணையதளங்களுக்கான செயலிகளை வடிவைமைக்க வேண்டும்.
இதற்காக சி, சி++, ஜாவா போன்ற கணினி மொழிகளை அறிந்திருக்க வேண்டும். கணினி அறிவியல் தொடர்பான ஒரு பட்டப்படிப்பை முடித்த பின்னர்தனியார் கல்வி நிறுவனங்களில் இந்த படிப்பைபடிக்கலாம்.
வெப் டிசைனிங் அண்ட் டெவலப்மென்ட்
வணிக நிறுவனங்களுக்காகவோ தனிப்பட்ட பயன்பாட்டுக்காகவோ ஓர் இணையதளத்தை உருவாக்கும் வேலையே வெப் டிசைனிங் அண்ட் டெவலப்மென்ட் . மொபைல் செயலிகளுக்கே அடித்தளமாக இருப்பவை இணையதளங்களே.
சிறு, குறு தொழில் செய்வோரும் தங்கள் பொருள்களை ஆன்லைனில் விளம்பரப்படுத்த, விற்க இணையதளங்கள் அவசியம். எனவே, வரும் காலத்தில் வெப் டிசைனிங் அண்ட் டெவலப்மென்ட் படிப்பின் தேவை அதிகமாகவே இருக்கும். இதற்காக பிஎச்பி, பைதான், ஏஎஸ்பி.நெட், ஜாவா, அடோப் போட்டோஷாப் போன்றவற்றைப் படிக்க வேண்டும். கணினி அறிவியல் தொடர்பான பட்டப்படிப்பு முடித்து இதனையும்சான்றிதழ் படிப்பாக முடித்திருக்க வேண்டும்.
விஃஎப்எக்ஸ் அண்ட் அனிமேஷன்
ஆன்லைன் கேமிங் துறை, 3டி தொழில்நுட்பம் ஆகியவற்றில் விஷுவல் எஃபெக்ட்ஸ் மற்றும் அனிமேஷனின் பயன்பாடு பெரிதும் முக்கியமானது. இதற்காக விஎப்எக்ஸ் மற்றும் அனிமேஷன் படிப்புகளை முடித்த பின்னர் மாயா, அடோப் போட்டோஷாப் மற்றும் சினிமா 4டி ஆகியவற்றைப் பயன்படுத்துவது உங்கள் திறமைகளை வளர்க்க உதவும்.
இது தொடர்பான டிப்ளமோ படிப்புகளும் உள்ளன.
கம்ப்யூட்டர் ஹார்ட்வேர்
ஒரு மென்பொருள் இயங்க கணினி சரியானநிலையில் இருக்க வேண்டும். தரவுகளை செயல்படுத்தும் மதர்போர்டுகள், சேமித்து வைக்கும் ஹார்ட் டிஸ்க்குகள் என கணினியின் செயல்பாடுகளைக் கண்காணித்து சரி செய்யக் கூடிய பணியைச் செய்ய விரும்புபவர்கள், பட்டப்படிப்பை முடித்த பிறகு கணினிவன்பொருள் படிப்பை முடிக்க வேண்டும். குறைந்தது 6 மாதங்கள் முதல் 12 மாதங்கள் வரை படிக்க வேண்டியதிருக்கும்.
டேலி அண்ட் எம்எஸ் ஆபீஸ்
எம்எஸ் ஆபீஸ் என்பது கணினியில் வேலை செய்வதற்கான அடிப்படை அறிவாகும். அதுபோன்று அக்கவுண்ட்ஸ் பணிகளைச் செய்வதற்கு அவசியம் டேலி படிக்க வேண்டும்.
அதிகபட்சமாக மூன்று மாதங்களில் கற்றுக்கொள்ளலாம். பட்டப்படிப்பு முடித்த பின்னர் இந்த பயிற்சிகளையும் கற்றுக் கொண்டால் எளிதாக வேலைகிடைக்கும்.