2006-ஆம் ஆண்டு வெளியான அனுராக் காஷ்யபின் "கேங்ஸ்டர்' என்ற படத்தின் மூலம் பாலிவுட்டில் அறிமுகமான கங்கனா ரனாவத், தற்போது ஏற்கெனவே ஒப்பந்தமான அனுராக் காஷ்யபின் "இமாலி' என்ற படத்திலிருந்து விலகியுள்ளார். இது தவிர "பங்கா' என்ற படத்திலிருந்தும் விலகியுள்ளார். இவை இரண்டும் கடந்த ஆண்டில் ஒப்பந்தமானவை. இடையில் "மணிகார்னிகா' படத்தை இயக்க வேண்டிய சூழ்நிலையால் இந்த இருபடங்களிலிருந்தும் விலகியவர், தற்போது சொந்த படத் தயாரிப்பு காரணமாக தன்னை அறிமுகப்படுத்திய அனுராக் காஷ்யப் படத்தையும் புறக்கணித்ததாக கூறும் கங்கனா, ராஜ்குமார் ராவுடன் நடிக்கும் "மென்டல் ஹைக்யா' மற்றும் ஜெயலலிதா வரலாற்று படத்தையும் கைவசம் வைத்துள்ளார்.