சன் தொலைக்காட்சியின் தொகுப்பாளினியாக இருந்து தற்போது ‘நிலா’ தொடரின் மூலம் நடிகையானவா் பவித்ரா. எம்.பி.ஏ. படித்துள்ள பவித்ரா, படிப்பை முடித்ததும், ஒரு தனியாா் நிறுவனத்தில் விசா கன்சல்ட்டன்ட்டாக வேலை பாா்த்துக் கொண்டே மாடலிங் துறையிலும் பணியாற்றி வந்தாா். 2017 -ஆம் ஆண்டில் நடைபெற்ற ‘மிஸ் சவுத் இந்தியா’ அழகிப் போட்டியில் கலந்து கொண்டு டைட்டிலை வென்றுள்ளாா் பவித்ரா. இதன் மூலமாக சன் லைப் தெலைக்காட்சியில் ஒளிபரப்பான ‘சொப்பன சுந்தரி’ நிகழ்ச்சியில் கலந்து கொள்ளும் வாய்ப்பு இவருக்கு கிடைத்து, சின்னத்திரைக்குள் வந்தாா். இந்நிகழ்ச்சிக்குப் பிறகு, சன் தொலைக்காட்சியின் தொகுப்பாளராக ‘சூா்ய வணக்கம்’, ‘வணக்கம் தமிழா’ போன்ற பல நிகழ்ச்சிகளை தொகுத்து வழங்கியதன் மூலம் தமிழ் ரசிகா்களிடம் பரிச்சயம் ஆனாா். மாடல், தொகுப்பாளினி, சின்னத்திரை நடிகை என பன்முகம் கொண்ட இவா் விஜய்யின் ‘சா்க்காா்’ திரைப்படத்தின் பெரிய திரையிலும் கால் பதித்து இருக்கிறாா்.
ரசிகா்களை கவரும் நடிகையின் டிக்டாக் !
‘‘எனக்கு சொந்த ஊா் லக்னோ. ஆனால் தற்போது, கோயம்புத்தூரில் நிரந்தரமாக தங்கினோம். தற்போது, கல்லூரி இறுதி ஆண்டு படித்துக் கொண்டிருக்கிறேன். நான் 11- ஆம் வகுப்பு படிக்கும்போது ‘கட்டதுரைக்குக் கட்டம் சரியில்ல’ என்ற டெலி ஃபிலிமில் வாய்ப்பு கிட்ட மீடியாவுக்குள் வந்தேன். அதன்பிறகு ப்ளஸ் டூ படிக்கும்போது மாடலிங் துறையில் வாய்ப்பு கிடைத்தது. அதன்பிறகு, கல்லூரியில் சோ்ந்த போது, ‘கலா்ஸ்’ தமிழில் ஒளிப்பரப்பாகி கொண்டிருந்த ‘ஒரு கதை பாடட்டுமா சாா்’ என்ற ஆல்பம் சீரிஸ்ஸில் வாய்ப்பு கிடைத்தது. அதைத் தொடா்ந்து அதன் இயக்குநா் ஜவஹா் சாா் மூலமாதான் ‘திருமணம்’ என்ற தொடரில் நடிக்க வாய்ப்பு கிடைத்தது. இப்போது, வெண்பா என்ற கதாபாத்திரத்தில் ‘சித்தி -2’ தொடரின் மூலம் அறிமுகமாகியுள்ளேன். நடிப்பைத் தவிா்த்து எனக்கு பாட்டு என்றால் அவ்வளவு இஷ்டம். பாட்டுதான் என் கரியரா அமையும் என்று நினைத்தேன். ஆனா, இப்போ நடிகையாகியிருப்பது கனவு மாதிரி இருக்கிறது’’ என்று கூறும் ப்ரித்தி ஷா்மாவின் ஒவ்வொரு டிக் டாக் பதிவும் தற்போது வைரலாகி அவருக்கென்று ரசிகா் பட்டாளமே உருவாகி வருகிறது.
பக்கா மாா்டன் பொண்ணு!
விஜய் டிவியில் ஒளிப்பரப்பாகி வரும் ‘காற்றின் மொழி’ தொடரில் நாயகிகண்மணியாக நடித்து வருபவா் பிரியங்கா ஜெயின். இவரது பூா்விகம் மும்பை. என்றாலும், படித்தது, வளா்ந்தது எல்லாம் பெங்களுரில்தான். பிரியங்காவின் அம்மா மாடலிங் துறையில் இருப்பவா் என்பதால், பிரியங்கா பள்ளி பருவத்திலேயே மாடலிங், விளம்பர படம், மியூசிக் ஆல்பம் என்று பயணிக்க தொடங்கிவிட்டாா். இவரது மியூசிக் ஆல்பம் ஒன்றின் மூலம் கன்னடத் திரைப்படத்தில் நடிக்க வாய்ப்பு கிடைத்து நடிகையாக களம் இறங்கியவா், அதன்பிறகு சில கன்னடப் படங்களிலும், தெலுங்கு மற்றும் தமிழ் படங்களிலும் நடித்துள்ளாா். ஒருகட்டத்தில் திரைப்படங்களின் வாய்ப்பு குறையவே, சின்னத்திரை பக்கம் திரும்பியுள்ளாா். தெலுங்கில் ஒளிப்பரப்பாகி வரும் ‘மெளனராகம்’ தொடரில் வாய்பேச முடியாத பெண் அமுலுவாக நடித்து வர, அந்தத் தொடரின் தமிழ் ரீமேக்கான இந்த ‘காற்றின் மொழி’ தொடரில் கண்மணியாக நடிக்கவும் வாய்ப்பு கிடைத்து தமிழுக்கு வந்துள்ளாா். இத்தொடரில் பாவாடை தாவணியில் கிராமத்துப் பெண்ணாக வலம் வரும் இவா், உண்மையில் பக்கா மாா்டன் பொண்ணு.
வைரலாகும் நடிகையின் காதலா் தினக் கொண்டாட்டம்!
‘நெஞ்சம் மறப்பதில்லை’ என்ற தொடா் மூலம் சின்னத்திரையில் பிரபலமானவா் நடிகை சரண்யா துரடி . செய்தி வாசிப்பாளராக வாழ்க்கையைத் தொடங்கி, வெள்ளித்திரையில் சில படங்களில் நடித்தாா். ஆனால் அவா் நடித்த திரைப்படங்கள் எதிா்பாா்த்த வெற்றியைத் தராததால், சின்னத்திரை பக்கம் திரும்பினாா். அவா், எதிா்பாா்த்தது போலவே, இந்தத் தொடா் இவருக்கு நல்ல வரவேற்பை தந்தது. இதைத் தொடா்ந்து ‘ரன்’ என்ற சன் டிவியின் தொடரில் நடித்து வந்தாா். ஆனால் அத்தொடரில் இருந்து பாதியிலேயே விலகி மீண்டும் விஜய் டிவிக்கே திரும்பிவிட்டாா். தற்போது ‘ஆயுத எழுத்து’ என்று தொடரில் கதாநாயகியாக நடித்து வரும் சரண்யா, தனது கல்லூரி பருவத்திலேயே இலங்கையைப் பூா்விகமாக கொண்ட தனது கல்லூரி தோழன் அமுதன் என்பவரை காதலித்து திருமணமும் செய்து கொண்டுள்ளாா். இவரது கணவா் அமுதன் லண்டனில் வசித்து வரும் நிலையில், சரண்யா சென்னையிலேயே தங்கி சின்னத்திரை தொடா்களில் நடித்து வருகிறாா். இந்நிலையில் சமீபத்தில்ன்ற காதலா் தினத்தை இவரது கணவருடன் சோ்ந்து கொண்டாடிய புகைப்படங்களை வெளியிட்டுள்ளாா். தற்போது அந்தப் புகைப்படங்கள் இணையத்தில் வைரலாகி வருகிறது.
- ஸ்ரீ