தோசைக்கு அரைத்த மாவில் ஐம்பது கிராம் கொத்துக் கடலையும், ஐம்பது கிராம் பட்டாணியும் சேர்த்து ஊறவைத்து அரைத்து எடுத்து தோசை மாவுடன் சேர்த்துத் தோசை சுட்டால் முறுமுறுவென்று இருப்பதோடு சத்தும் கிடைத்துவிடும்.
தோசை மாவு அரைத்த இரண்டு மணி நேரத்தில் புளிக்கச் செய்வதற்குச் சிறிது மிளகாய் வற்றல் காம்புகளைப் போட்டு வைத்தால் விரைவில் மாவு புளித்து தோசை நன்றாக இருக்கும்.
பிடி கொழுக்கட்டை செய்யும்போது கொதிக்கும் நீரில் நன்றாக நறுக்கிய காரட், பீன்ஸ், பட்டாணி சேர்த்து வேகவைத்து, அரிசி ரவையுடன் சேர்த்து வெஜிடபிள் கொழுக்கட்டை செய்யலாம்.
வெள்ளை பூசணிக்காயை பூந்துருவலாகத் துருவி உப்பைச் சேர்த்து, இஞ்சி, பச்சை மிளகாய், கொத்தமல்லி, கறிவேப்பிலை, கடுகு தாளித்து தயிரில் கலந்து தயிர் பச்சடி செய்யலாம்.