சுடச்சுட

    
    3

    அம்மாதான் ஆசிரியர் (சிறுவர் பாடல்கள்)
    ஆசிரியர்: முனைவர் தி.நெல்லையப்பன்
    பக்கம்: 64; விலை: ரூ.150
     அம்மா, காற்றாடி, பம்பரம், பந்து, ஒட்டகம், ஐஸ் வண்டி போன்ற 32 தலைப்புகளில் சிறுவர்-சிறுமியருக்கான இனிய பாடல்கள். முனைவர் ச.வனிதா அணிந்துரையில் கூறியுள்ளது போல், இப்பாடல்கள் பெரியவர்களையும் குழந்தைகள் உலகுக்கு அழைத்துச்செல்கின்றன. வண்ணப் படங்களும், தரமான காகிதமும் கூடுதல் அழகு. (வெளியீடு: மணிபாரதி பதிப்பகம், 153.1/3 எஃப்-4,கனகசபை அடுக்ககம், பாரதிதாசன் சாலை, கனகசபை நகர், சிதம்பரம்-608 001).
     
    விளையாட்டு வழியில் கணக்கு
    ஆசிரியர்: வெ.வரதராஜன்
    பக்கம்: 112; விலை: ரூ.50
     புதுமையான நூல். பள்ளிக் குழந்தைகளுக்கு விளையாடும் பொருளாக கணக்கை ஆக்கித் தருகிறார், புதுடெல்லி கல்வி ஆராய்ச்சி விருது பெற்ற ஆசிரியர் வெ.வரதராஜன். ஒவ்வொரு விடுமுறையிலும் மாணவர்கள் கையில் இந்நூல் இருந்தால் போதும்; விளையாடிக்கொண்டே கணக்கு கற்கலாம். (வெளியீடு: அருள்மொழிப் பிரசுரம், ஸ்ரீவாரி அடுக்ககம், பழைய எண்:11, கவரைத் தெரு, மேற்கு சைதாப்பேட்டை, சென்னை-15).
     
    முஃபாராவின் அழகிய மகள்கள்
    ஆசிரியர்: தமிழில்: முத்தையா வெள்ளையன்
    பக்கம்: 88; விலை: ரூ.70
     அமெரிக்கா, ரஷ்யா, ஆப்ரிக்கா ஆகிய நாடுகளில் உள்ள எழுத்தாளர்கள் சிறுவர்களுக்காக ஆங்கிலத்தில் எழுதிய சிறுகதைகளின் மொழிபெயர்ப்பு. மொத்தம் ஏழு கதைகள் உள்ளன. "ஒரு தொப்பி உயிரோடு இருக்கு' என்று ஒரு தலைப்பு. தலைப்பைப்போல் கதையும் சுவாரஸ்யம்.
     (வெளியீடு: மேன்மை, 5/2, பெர்தோ தெரு, இராயப்பேட்டை (கில் ஆதர்ஷ் பள்ளி அருகில்), சென்னை-14).
     
     
     
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai