Enable Javscript for better performance
மறைக்க முடியாத பொய்!- Dinamani

சுடச்சுட

    
    s7

    முத்துக் கதை

    ஜானகி ஆன்ட்டி ஒருமுறை செக்கச்செவேல் என்று பழுத்திருந்த ப்ளம்ஸ் பழங்களை வாங்கினாள். ஆன்டிக்கு நான்கு குழந்தைகள். கோபு, பாபு, சிட்டு, பட்டு என்று அவர்களுக்குப் பெயர். குழந்தைகள் சாப்பிட்ட பிறகு பழங்களைத் தரலாம் என்று ஆன்ட்டி நினைத்தாள். பழங்கள் மேஜை மீது ஒரு தட்டில் இருந்தன. பட்டுக்குட்டி இதுவரை ப்ளம்ஸ் பழத்தைச் சாப்பிட்டதே இல்லை. ஆசையோடு அவற்றை வாசனை பார்த்தாள். அந்த வாசனை அவளுக்கு மிகவும் பிடித்திருந்தது. பழத்தைத் தின்று பார்த்துவிடவேண்டும் என்ற ஆசை அவளுக்கு உண்டாயிற்று.

    அறையில் யாருமில்லாதபோது ஒரு பழத்தை எடுத்துத் தின்றுவிட்டாள். எல்லோரும் சாப்பாட்டை முடித்தனர். ஜானகி ஆன்ட்டி குழந்தைகளுக்குத் தருவதற்காக பழங்களை எடுத்தாள். எண்ணிப்பார்த்தால் ஒன்று குறைந்திருந்தது. "பசங்களா...! ஒரு ப்ளம்ஸ் பழம் குறைகிறது. யாராவது சாப்பிட்டீங்களா?'' என்று குழந்தைகளைப் பார்த்துக் கேட்டாள். ""நான் இல்லை...''....,""நான் இல்லை''....என்று எல்லோரும் சொன்னார்கள். பட்டுக்குட்டியும் அவர்களோடு சேர்ந்து ""நான் தின்னவில்லை'' என்று சொன்னாள்.

    "ஓ....கே! யார் சாப்பிட்டிருந்தாலும் பரவாயில்லை ஆனால் பிளம்ஸ் பழத்தில் கொட்டை இருக்கும். சாப்பிடத் தெரியாமல் அந்தக் கொட்டையையும் சேர்த்து சாப்பிட்டால் வயிற்றில் பெரியதாக ப்ளம்ஸ் மரம் முளைத்துவிடும்.....,அதுதான் எனக்கு பயமாக இருக்கிறது'' என்றாள் ஜானகி ஆன்ட்டி. பட்டுக்குட்டி பயந்து போய், "இல்லை....நான் கொட்டையை ஜன்னலுக்கு வெளியே எறிந்து விட்டேன்'' என்று கூறி அழத்தொடங்கினாள்.

    "பொய் சொன்னால் எப்படியும் மாட்டிக் கொள்கிறோம் பார்த்தாயா? இனிமேல் பொய் சொல்லக் கூடாது.....என்ன?'' என்று சமாதானப் படுத்தினாள் ஜானகி ஆன்ட்டி!
     
     -ப. சரவணன்
     
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai