Enable Javscript for better performance
காக்கையின் கருணை!- Dinamani

சுடச்சுட

    

    காக்கையின் கருணை!

    By DIN  |   Published on : 21st March 2020 03:33 PM  |   அ+அ அ-   |    |  

    sm14

    கதை பாடல்
     அதுவொரு அழகிய ஆலமரம்
     அதிலே வாழ்ந்தது ஒரு காகம்! - அங்கு
     புதிதாய் வந்த ஆந்தைக்கோ
     பகலில் பார்வை தெரியாது!
     
     ஒரு நாள் இரண்டும் அருகருகே
     உட்கார்ந்து பேசும் வேளையிலே - தம்
     திருவாய் மலர்ந்து இனிதாக
     தீர் மானமொன்றைப் போட்டனவே!
     தலைமுறை, தலைமுறை, தலைமுறையாய்
     இருவரும் இருந்தோம் தனித்தனியாய்! - இனி
     பழையன கழிதல் நாம் செய்து
     பகைமை மறப்போம் இதுமுதலாய்!
     
     இரவில் உனக்குக் கண் தெரியும் - இரை நீ
     எடுத்து வா! நம் பசி மறையும்!
     பகலில் பறந்து நான் சென்று
     நமக்கு உணவை நான் கொணர்வேன்!
     
     என்றே முடிவு செய்துவிட்டு
     இணைந்து வாழத் தொடங்கினவாம்!
     இதனைக் கண்ட மரம் கூட - தன்
     கிளைக்கரம் கொண்டு வாழ்த்தியதாம்!
     
     இரண்டும் திரிந்து இரை எடுக்கும்!
     பசி போக்கி, உதவி, மனம் களிக்கும்! - தினம்
     ஒருவர்க்கொருவர் உதவி செய்து
     ஒற்றுமையாய்ச் சேர்ந்து வாழ்ந்தனவே!
     
     வளர்கவி
     
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai