கடி

""பந்தயத்துல முதல்ல ஓடி வந்தும், 
தோல்வியா ஏன்?''
""நடை போட்டினு தெரியாம, ஓடிட்டேன்!''

செந்தில்குமார். எம்
சென்னை-78. 

""ஏண்டா வயலிலே இறங்கி ஆடறே?''
""நீதானை வயல்லே ஆடுடான்னு சொன்னே?''

மு . பெரியசாமி,
திருத்துறைப்பூண்டி.

""அப்பா , எனக்கு ட்ரெட்மில்'  ஒன்னு வாங்கி தாங்க...! 
""நடக்கிற காரியமா பார்த்து பேசு..!  

ஆர் . சுந்தரராஜன்,
சிதம்பரம்.

 ""கத்திச் சண்டை போட்டா என்ன ஆகும்?''
""தொண்டை கட்டிக்கும் சார்!''

கா . நாகமுத்து, 
குளத்தூர்.

""மொபைல் போனையே பார்த்துக்கிட்டு இருக்காதே.... போனுக்கு வெளியிலேயும் ஒரு உலகம் இருக்கு!''
""லிங்க் இருந்தா அனுப்பு,.... பார்க்கிறேன்!''

ஆர் . சுந்தரராஜன்,
சிதம்பரம்.

""ஆடு பேசுதுடா!''
""அப்படியா?.... ஆச்சரியமா இருக்கே...என்ன பேசுது?''
""ஏப்ரலுக்கு அப்புறம் என்னன்னு கேட்டேன்!..... "மே' ன்னு சொல்லுது!''

கே . இந்துகுமரப்பன்,
விழுப்புரம்.