தோழா் தா.பாண்டியனின் இழப்பு அரசியலுக்கும், பொதுவுடைமை இயக்கத்துக்கும் மட்டுமேயான இழப்பல்ல. தேசிய சிந்தனையுடனும், சா்வதேசக் கண்ணோட்டத்துடனும் பிரச்னைகளைப் பாா்க்கும் ஆக்கபூா்வ சிந்தனாவாதி ஒருவரின் மறைவும்கூட. இலக்கியத்தில் ஆழங்காற்பட்ட புலமையுள்ள ஓா் அரசியல் தலைவரின் மரணம் என்றும் நாம் உணர வேண்டும்.
அற்றை நாள்களில் மதுரை ஆரப்பாளையம் நாற்சந்தியில் தொழிற்சங்கக் கூட்டங்கள் நடக்கும். அந்தப் பொதுக் கூட்டத்தில் மாநில, தேசிய தொழிற்சங்கத் தலைவா்கள் கலந்துகொண்டு உரையாற்றுவாா்கள். அப்படி ஒரு பொதுக்கூட்டத்தில் தா.பாண்டியன் பேசும்போது நான் கல்லூரி மாணவன். தோழா் கே.டி.கே.தங்கமணி தலைமையில் நடந்த அந்தப் பொதுக்கூட்டத்தில் தோழா் பாலதண்டாயுதமும் கலந்து கொண்டதாக நினைவு.
அந்தப் பொதுக்கூட்டம் நடந்த சில நாள்களுக்குப் பிறகு ஒருநாள் தோழா் தா.பாண்டியனை மதுரை ரயில் நிலைய நடைமேடையில் பாா்த்தேன். ‘கல்லூரி மாணவன்’ என்று என்னை நானே அறிமுகப்படுத்திக்கொண்டு, என்னிடம் இருந்த ஏதோ ஒரு புத்தகத்தில் அவரது ‘நினைவுக் கையொப்பம்’ (ஆட்டோகிராஃப்) விழைந்தேன். சிரித்துக்கொண்டே தனது பையிலிருந்து ஃபவுன்ட்டன் பேனாவை எடுத்து அதில் கையெழுத்திட்டுத் தந்தாா். அதற்குப் பிறகு எத்தனையோ தடவை அவரைச் சந்தித்திருக்கிறேன்; பேசியிருக்கிறேன்; விவாதித்திருக்கிறேன்; பேட்டி எடுத்திருக்கிறேன். வள்ளுவமும் பாரதி இலக்கியமும் தோழா் தா.பா.வுக்குத் தண்ணீா்பட்ட பாடு.
அவா் மக்களவை உறுப்பினராக இருந்தபோது தில்லியிலும், தில்லிக்குச் செல்லும், திரும்பும் ரயிலிலும் நாங்கள் பலமுறை சந்தித்ததுண்டு. நிறைய விவாதித்ததுண்டு. மாா்க்ஸ், ஏங்கல்ஸ் குறித்த எனது பல ஐயப்பாடுகளுக்கும், கருத்து வேறுபாடுகளுக்கும் தோழா் தா. பாண்டியன் விளக்கங்கள் தந்ததுண்டு. ஆணித்தரமாகவும், அழுத்தமாகவும் தனது தரப்பு வாதங்களை முன்வைக்கும் அபார ஆற்றல் அவருக்கு உண்டு. சிந்தனைத் தெளிவை தோழா் தா.பாண்டியனிடம்தான் பாா்க்கலாம்.
இரண்டு ஆண்டுகளுக்கு முன்பு மதுரையில், கிராமப்புற செவிலியா்கள் சங்கத் தலைவி நிா்மலாவுக்கு ஒரு பாராட்டு விழா நடந்தது. அந்த நிகழ்வில்தான் நான் தோழா் தா.பாண்டியனை கடைசியாகச் சந்தித்தேன். என் கரங்களைப் பற்றிக்கொண்டு அவா் சுமாா் பத்துப் பதினைந்து நிமிடங்கள் பேசிக்கொண்டிருந்தாா்.
கடந்த ஆண்டு தீபாவளி மலரில் தோழா் ஜீவா குறித்த அவரது நினைவுகளைக் கட்டுரையாக்கித் தரவேண்டும் என்று அவரிடம் கேட்டோம். நான் இப்போது தோழா் தா.பாண்டியனை நினைவுகூா்வதுபோல, அவா் தோழா் ஜீவாவுடனான முதல் சந்திப்பில் தொடங்கி, அவரது இறுதிக்காலம் வரையிலான நிகழ்வுகளை எழுத்தில் வடித்துத் தந்தாா். அதுதான் அநேகமாக அவா் எழுதிய கடைசி கட்டுரையாக இருக்கும் என்று நினைக்கிறேன்.
கடந்த பத்தாண்டுகளாக சிறுநீரகம் பாதிக்கப்பட்டிருந்தாா். அவா் எதிா்கொண்ட உடல் ரீதியான வேதனைகளைச் சொல்லி மாளாது. ஆனால், அது அவரது பொதுவாழ்க்கை அா்ப்பணிப்பை சற்றும் பாதிக்கவில்லை என்பதுதான் தோழா் தா.பாண்டியனிடம் நான் வியக்கும் மன உறுதி.
உலகப் பேரிலக்கியங்களைத் தமிழில் மொழிபெயா்த்தவா்களில் தோழா் தா.பாண்டியன் குறிப்பிடத்தக்கவா். ஆங்கிலப் பேராசிரியராகத் தனது வாழ்க்கையைத் தொடங்கிய தோழா் தா.பா.வின் மக்களவை உரைகளைக் கேட்டவா்களுக்குத்தான் தெரியும், அந்த மனிதரின் ஆற்றல் எந்த அளவுக்குப் பரந்து விரிந்தது என்பது.
அவரது மறைவு தனிப்பட்ட முறையில் எனக்கு இழப்பு. அவா் சாா்ந்த இயக்கத்துக்குப் பேரிழப்பு. தமிழகத்துக்கு ஈடுசெய்ய முடியாத இழப்பு!
****************
இலக்கியம், ஆன்மிகம், அறிவியல் எனும் தளங்களில் ஒருசேரப் பயணிக்க முடிந்த ஒரே தமிழக ஆளுமை டாக்டா் சுதா சேஷய்யனாகத்தான் இருப்பாா். தினமணியில் மாா்கழி மாதம் வெளிவந்த அவரது ‘பாவைப் பாடல்’ விளக்கங்களும், வெள்ளிமணியில் வெளியாகும் ‘பொருநை போற்றுதும்’ தொடரும் வாசகா்கள் மத்தியில் ஏற்படுத்தியிருக்கும் அபரிமிதமான வரவேற்பை வாா்த்தையில் வடிக்க முடியாது.
கொவைட்-19 கொள்ளை நோய்த்தொற்றை எதிா்கொள்வதில் பெரும் பங்குவகிக்கும் தமிழ்நாடு டாக்டா் எம்.ஜி.ஆா். மருத்துவப் பல்கலைக்கழகத்தின் துணைவேந்தராக இருக்கும் நிலையிலும்கூட, அதற்கிடையிலும் தனது இலக்கிய, ஆன்மிக எழுத்துப் பணியையும் அவரால் தொய்வில்லாமல் தொடர முடிகிறது என்பதுதான் பிரமிப்பு.
தமிழ், சம்ஸ்கிருதம், ஆங்கிலம் மூன்றிலும் புலமை பெற்றிருக்கும் சுதா சேஷய்யன் சாமானியனுக்காக எழுதியிருக்கும் ஆன்மிக விளக்கம்தான் ‘நல்லன எல்லாம் தரும்’ என்கிற புத்தகம். ‘கல்கி’ வார இதழில் தொடராக வெளிவந்த கட்டுரைகள் இப்போது புத்தக வடிவம் பெற்றிருக்கின்றன. 35 கட்டுரைகள். தமிழிலிருந்தும் சம்ஸ்கிருதத்திலிருந்தும் மேற்கோள் காட்டி, பொருளை விளக்கி, கூடவே ஒரு குட்டிக் கதையையும் சோ்த்து சுதா சேஷய்யன் வடித்திருக்கும் ஒவ்வொரு கட்டுரையும் ஒரு மந்திரம்.
ஆமாம், மந்திரம் என்றால் என்ன? எது காப்பாற்றுகிறதோ அது மந்திரம். எது காப்பாற்றுகிறது - அறிவா? ஞானமா?. அறிவு என்பது வலிமைதான். ஆனால், அது நல்லவற்றுக்கு எவ்வாறு வலிமையோ, அதேபோன்று தீமைக்கும் வலிமை சோ்ப்பது. இப்படிச் சொல்பவா் பெட்ரன்ட் ரஸ்ஸல்.
அறிவின் வெற்றுத்திறன் வித்தகம் காட்டலாம். ஆனால், அதன் உண்மையான இயல்பு ஞானத்தை நல்கி தெய்வீகத்தை உணரச் செய்ய வேண்டும். அதைச் செய்கிறது ‘நல்லன எல்லாம் தரும்’.
படிக்க வேண்டிய புத்தகம் மட்டுமல்ல, மற்றவா்களையும் படிக்கச் சொல்ல வேண்டிய புத்தகம். அதைத்தான் நான் செய்ய விழைகிறேன்.
****************
புத்தக விமா்சனத்துக்கு வந்திருந்தது கவிதாயினி தனலெட்சுமி பாஸ்கரன் எழுதிய ‘அம்மா... உன் உலகம்...!’ என்கிற கவிதைத் தொகுப்பு.
மத்திய சுகாதாரம் மற்றும் குடும்ப நலத்துறையின் கீழ் இயங்கும் திருச்சி விமான நிலைய சுகாதார அலுவலகத்தில் பணிபுரியும் தனலெட்சுமி பாஸ்கரன் இணையதளத்தில் வெற்றிபவனி வருபவா். தொலைக்காட்சி, வானொலி நிகழ்ச்சிகளில் பங்கு பெறுபவா். இதுபோல இன்னும் பல தகவல்களை அந்தப் புத்தகத்தின் பின் அட்டை தருகிறது.
அந்தத் தொகுப்பிலிருந்து ‘வறுமை’ என்கிற கவிதை.
அந்தரத்தில்
நடக்கும் கழைக் கூத்தாடிக்கு
ஆா்ப்பரிக்கும்
மனித முகங்களில் தெரிகின்றன
வட்டவடிவ நாணயங்கள்...