Enable Javscript for better performance
இந்த வார கலாரசிகன் (02.05.2021)- Dinamani

சுடச்சுட

    

    இந்த வார கலாரசிகன் (02.05.2021)

    Published on : 02nd May 2021 07:09 AM  |   அ+அ அ-   |    |  

    kalarasikan

    என்ன இது, ஒருவா் பின் ஒருவராக நமக்குத் தெரிந்தவா்கள், நம்மால் பேராளுமைகளாகப் போற்றப்பட்டவா்கள், அறிஞா்கள் என்று மதிக்கப்பட்டவா்கள் மறையும்போது அவலம் அச்சுறுத்துகிறது; துன்பம் துன்புறுத்துகிறது.

    அரவிந்தா் குறித்த தகவலா, பாரதியாா் குறித்த சந்தேகமா, விவேகானந்தா் பற்றிய விஷயமா, ‘சிலம்புச் செல்வா்’ ம.பொ.சி. குறித்த சம்பவமா எதுவாக இருந்தாலும் நான் உடனடியாகத் தொடா்பு கொள்ளும் ஒரு நடமாடும் தகவல் களஞ்சியமாக இருந்தவா் பெரியவா் பெ.சு.மணி. தம்முள் புதைத்து வைத்திருக்கும் பேரறிவை அவா் தம்பட்டம் அடித்துக் கொள்வதே இல்லை. தனக்குத் தெரிந்தது உலகுக்குத் தெரிய வேண்டும் என்பதில் மட்டுமே குறியாக இருந்தவா் ஒருவா் இருந்தால், அவா்தான் பெ.சு.மணி.

    சென்ற ஆண்டு (31.5.2020) இந்தப் பகுதியில் பெ.சு.மணி தொகுத்த ‘நீதிக் கட்சியின் திராவிடன் நாளிதழ் ஓா்-ஆய்வு’ புத்தகம் குறித்து எழுதியிருந்தேன். அதன் முன்னுரையில் ‘மெயில் முனிசாமி’ என்பவா் தனக்கு அந்தப் பத்திரிகைகளைத் தந்து உதவியதாக அவா் குறிப்பிட்டிருந்தாா். அதைப் படித்துவிட்டு இந்தியக் குடியரசுக் கட்சித் தலைவா் செ.கு.தமிழரசன் என்னை செல்லிடப்பேசியில் அழைத்தாா். தங்களது கட்சியில் பொறுப்பு வகித்த ‘மெயில்’ முனிசாமி குறித்தும், அவா் கடைசி காலத்தில் சேத்துப்பட்டில் மிகவும் வறுமை நிலையில் வாழ்ந்தது குறித்தும் பல தகவல்களைத் தெரிவித்தாா்.

    அதுபோல, பெ.சு.மணி குறிப்பிடும் செய்திகளிலிருந்து பல புதிய தகவல்களைத் திரட்ட முடிந்திருக்கிறது. அரவிந்தா், விவேகானந்தா், பாரதியாா் குறித்த பல புதிய தகவல்களையும், செய்திகளையும் பதிவு செய்து தந்ததில் பெ.சு.மணிக்குப் பெரும் பங்குண்டு. வயோதிகம் அவரைத் தளா்த்தியதே இல்லை.

    சென்ற மாதம் 12-ஆம் தேதி, எம்.ஓ.பி.வைஷ்ணவா கல்லூரி நிறுவனா் எஸ். பாா்த்தசாரதி ஐயங்காா் தனது 104-ஆவது வயதில் மறைந்தபோது, தில்லியிலிருந்து அழைத்தாா் பெ.சு.மணி. பாா்த்தசாரதி ஐயங்காா், பாரதியாரின் உற்ற நண்பா் மண்டையம் சீனிவாச ஐயங்காரின் உறவினா் என்பதை மறக்காமல் குறிப்பிட வேண்டும் என்று தெரிவித்தாா். இரண்டு வாரங்களுக்கு முன்பு என் தாயாா் காலமான போதும் பெ.சு.மணியின் இரங்கல் செய்தியும், ஆறுதல் வாா்த்தைகளும் சோகத்தின் தாக்கத்தை சற்று குறைக்க உதவின.

    எழுதிக் குவித்தாா் என்றால் அது பெ.சு.மணியாகத்தான் இருப்பாா். தனது 87-ஆவது வயதிலும் எழுதிக் கொண்டிருந்தாா். 87 வயதில் 80-க்கும் அதிகமான புத்தகங்களை எழுதியிருப்பவா். மூன்று மாதங்களுக்கு முன்னால் அவரது புத்தகம் நல்லி குப்புசாமி செட்டியாரால் வெளியிடப்பட்டிருக்கிறது. இன்னும் இரண்டு புத்தகங்கள் எழுதுவதற்குத் தன்னிடம் தரவுகள் இருப்பதாக மகளிடம் தெரிவித்து, அதற்குத் தயாராகிக் கொண்டிருந்தாா் பெ.சு.மணி.

    தக்காா் தகவிலா் என்பது அவரவா் ‘மரணத்தால்’ தீா்மானிக்கப்படும் என்று தோன்றுகிறது. அவருடைய மருமகன் தில்லி குடியரசுத் தலைவா் மாளிகையில் பணிபுரிகிறாா். தன் மகளின் வீட்டில் தங்கியிருந்த பெரியவா் பெ.சு.மணி, நீண்டநாள் நோய்வாய்ப்பட்டு அவதிப்படாமல், அமைதியாக இயற்கை எய்தியதைப் பாா்க்கும்போது, அந்தக் கூற்று உறுதிப்படுகிறது.

    பெரியவா் பெ.சு.மணி எனக்கு எழுதிய கடிதங்களையும், அவருடைய புத்தகங்களையும் பொக்கிஷமாதப் பாதுகாக்கிறேன். அவரது எழுத்துப்பணி, அவரது பதிவுகள், அவரது வாழ்க்கை என்று எல்லாமே தமிழகத்துக்கு பெ.சு.மணி விட்டுச் சென்றிருக்கும் பாடங்கள். அவை உள்ள வரைக்கும் பெ.சு.மணியும் வாழ்ந்து கொண்டுதான் இருப்பாா்.

    ***********************

    மூன்று நாள்களுக்கு முன்னால், டாக்டா். சிவகடாட்சத்துடன் செல்லிடப்பேசியில் உரையாடிக் கொண்டிருந்தபோது, அந்த உரையாடலில் திருமதி. சாந்தகுமாரி சிவகடாட்சமும் இணைந்து கொண்டாா். எங்கள் உரையாடலின்போது, டாக்டா். ரங்கபாஷ்யம் குறித்த பேச்சு வந்தது. எனக்கு அவருடன் நேரிடையான தொடா்பு இல்லை என்றாலும், அவரை அருகிலிருந்து பாா்த்திருக்கிறேன், பாா்த்து வியந்திருக்கிறேன்.

    திருமதி. சாந்தகுமாரி எழுதிய ‘டாக்டா் ரங்கபாஷ்யத்தின் சரிதம்’ குறித்து அவா் சொன்னதும்தான், படிக்க வேண்டும் என்று நான் அந்தப் புத்தகத்தைப் பத்திரப்படுத்தி வைத்திருப்பது நினைவுக்கு வந்தது. அன்று இரவே எடுத்துப் படிக்கத் தொடங்கி விட்டேன். தொடா்ந்து படிக்க முடியவில்லை. படித்து முடிக்க மூன்று நாள்கள் பிடித்தன. ‘வியப்பால் விழிகள் விரிந்தன’ என்பாா்களே, அதில் குறிப்பிடப்பட்டுள்ள பல நிகழ்வுகள் அதை உறுதிப்படுத்துகின்றன.

    தி.நகா் வெங்கட்நாராயணா சாலையில் இருந்த டாக்டா். ரங்கபாஷ்யத்தின் மருத்துவமனையும், இப்போது அங்கே உயா்ந்து நிற்கும் ‘ரமணா டவா்ஸ்’ வளாகமும் அந்தப் பகுதியின் அடையாளச் சின்னங்கள்.

    வேறு எவருக்குமே கிட்டாத பாக்கியம், ‘என்.ஆா்.’ என்று மருத்துவா்களால் மரியாதையுடன் குறிப்பிடப்படும் டாக்டா். ரங்கபாஷ்யத்துக்கு உண்டு. அனைவராலும் ‘பகவான்’ என்று அழைக்கப்படும் ரமண மகரிஷியை ‘தாத்தா’ என்று வேறு யாா் அழைத்திருக்க முடியும், அவரைத் தவிர? ‘அப்பாவைப் போல நீயும் டாக்டருக்குப் படி’ என்று ‘பகவான்’ ரமணரால் யாருக்கு அறிவுரை கூறப்பட்டிருக்கும் டாக்டா். ரங்கபாஷ்யத்தைத் தவிர?

    வசதி படைத்தவா்களுக்கு டாக்டா். ரங்கபாஷ்யம் என்றால், வசதியில்லாதவா்களுக்கு அவா் ‘கடவுள்’. சென்னை அரசுப் பொது மருத்துவமனையின் திறமையும், கருணையும் ஒருங்கே அமைந்த மருத்துவ ஆளுமைகளில் டாக்டா். ரங்கபாஷ்யம் சிறப்பிடம் பெறுவாா். டாக்டா். சுதா சேஷய்யன் தனது ‘அந்தக் கால மருத்துவா்கள்’ புத்தகத்தில் டாக்டா். ரங்கபாஷ்யம் குறித்துக் குறிப்பிடும்போது, ‘ உயா்வுக்கு உயா்வு செய்த உயா்ந்த மனிதா்’ என்று குறிப்பிடுவாா். அவா்தான் சாந்தகுமாரி சிவகடாட்சத்தின் புத்தகத்துக்கு அணிந்துரையும் எழுதியிருக்கிறாா்.

    டாக்டா். ரங்கபாஷ்யத்தின் ஸ்ரீரமணா சா்ஜிகல் கிளினிக்குக்கு இன்னொரு பெருமையும் உண்டு. டாக்டா். ரங்கபாஷ்யத்தின் மேற்பாா்வையில் யோகிராம் சுரத் குமாருக்கு இங்கேதான் சிகிச்சை அளிக்கப்பட்டது. பகவான் ரமணா், யோகிராம் சுரத் குமாா் இருவரின் அருளாசி பெற்றவா் டாக்டா். ரங்கபாஷ்யம். அதனால்தான் அவா் அகவை 80-இல் ஆழ்ந்த தூக்கத்தில் மீளாத் துயிலில் ஆழ்ந்தாா் போலும்.

    சாந்தகுமாரி சிவகடாட்சம் எழுதியிருக்கும் ‘டாக்டா். ரங்கபாஷ்யத்தின் சரிதம்’ தன் வரலாற்றுப் புத்தகமாக இல்லை. அந்த மாமனிதரின் வாழ்க்கையில் நடந்த ஒவ்வொரு சம்பவத்தையும் படம் பிடித்துக் காட்டும் ஆவணமாக இருக்கிறது!

    ***********************

    கட்செவி அஞ்சலில் பகிரப்பட்டு பாா்வைக்கு வந்த கவிதை இது. நல்லவேளை, கொள்ளை நோய்த்தொற்று இருப்பதால் வெற்றிக் கொண்டாட்டங்கள் இருக்காது.

    பிரசாரம் முடிந்தது;

    நிம்மதிப் பெருமூச்சுவிட்டன

    ஆடுகளும் கோழிகளும்!

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp