Enable Javscript for better performance
உண்மையான வீரம் - Dinamani

சுடச்சுட

    

    உங்கள் எப்போதும் கீதையின் வாக்கியங்களை நினைவில் வைத்துக்கொள்ள வேண்டும்.

    "விஹாய காமான் யஸ்ஸர்வான் புமான் சரதி நிஸ்ப்ருஹ:

    நிர்மமோ நிரஹங்காரோ ஸ சாந்திம் அதிகச்சதி''

    எவன் ஆசைகள், நான் என்ற எண்ணம், அகந்தை இவற்றிலிருந்து விடுபட்டு நிற்கிறானோ அவன் அமைதியை அடைவான்.

    ச்ரத்தாவான் லபதே க்ஞானம் தத்பராஸ் ஸம்யதேந்த்ரியா:

    க்ஞானம் லப்த்வா பராம்சாந்திம் அசிரேணாதி கச்சதி

    நம்பிக்கையுள்ளவன் ஞானம் பெறுகிறான். ஆன்மாவிடத்தில் ஈடுபாடு உடையவர்களுக்கும், இந்திரியங்களைக் கட்டுப்பாட்டுக்குள் வைத்திருப்பவர்களுக்கும் ஞானம் ஏற்படுகிறது. அத்தகையோர் உன்னதமான அமைதியினை அடைகிறார்கள்.

    உலகம் உங்களை மயக்குகிற போதெல்லாம் இந்த இரு ஸ்லோகங்களையும் நீங்கள் நினைவுபடுத்திக்கொள்ள வேண்டும். மாயை சக்திமிக்கது. ஆனால் நீங்கள் தொடர்ந்து சாதனை புரிந்துவந்தால், நீங்கள் பற்றற்றவராக இருந்தால், நீங்கள் தொடர்ந்து சத்சங்கத்தில் பங்கு கொண்டால், மனிதர்களின் தொல்லைகளின் அளவினைப்புரிந்து கொண்டால் அது உங்களைப் பாதிக்காது.

    "நான்' என்பது இந்த ஸ்தூல சரீரமா? இல்லை. உடல் எப்போதும் மாறக் கூடியது; அழியக்கூடியது. ஆன்மா அமரத்துவம் பெற்றது. மாறாதது. நீங்கள் சிறிதளவு விசாரணை, சிந்தனை, தியானம் செய்ய வேண்டும். அப்போதுதான் இந்த வாழ்க்கையை லாபகரமான முறையில் பயன்படுத்திக் கொள்ள முடியும். நீங்கள் எந்தச் சூழ்நிலையில் இருந்தாலும், கடவுள் கருணை புரிவார். நீங்கள் சிறிதளவு ஆராய்ந்து சிறிதளவு சத்சங்கத்தில் ஈடுபட வேண்டும். ஒவ்வொரு நாளும் பயன்படுத்தப்பட வேண்டும். ஒவ்வொரு வினாடியும் பயன்படுத்தப்பட வேண்டும்.

    ஓய்வு பெறுகிறவரை சாதனையை ஒத்திப்போடக் கூடாது. நீங்கள் அலுவலகத்தில் சற்று ஓய்வாக இருக்கும்போதுகூட நாம ஜபம் செய்யுங்கள். ""ராம், ராம்'' "ராம்' - சக்தி மிக்க மந்திரம். இறைவன் சர்வசக்தி வாய்ந்தவன்; எல்லாம் அறிந்துகொள்ளுகிறவன் என அது நமக்கு உணர்த்துகிறது. ராம் என்றால் ஆத்மா. நாம ஜபத்தில் ஒரு ருசியினை நீங்கள் ஏற்படுத்திக் கொள்ளுங்கள். இதுவே நமது செல்வம். நீங்கள் பற்றற்று இருக்க வேண்டும். கோபமின்றி, "நான்' "எனது' என்னும் எண்ணமின்றி வாழ வேண்டும். இவ்வாறு வாழ நீங்கள் முயற்சி செய்ய வேண்டும்.

    உலகில் வாழ்ந்துகொண்டு இவ்வாறு செயல்படுகிற ஒருவன், வீரன்; ஆனால் போர்க்களத்தில் போர் செய்பவன் அல்ல. உண்மையான போர்க்களம் உள்ளத்தில் இருக்கிறது. வாசனைகளை அகற்றுவதும், பற்றற்றிருப்பதும், நான் - எனது என்ற எண்ணமின்றி இருப்பதும், உலகைக் கண்டு மயங்காதிருப்பதும் உண்மையான வீரம் ஆகும்.

    -சிவானந்தர்

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai