Enable Javscript for better performance
பொன்மொழிகள்! தொகுப்பு: சுவாமி கமலாத்மானந்தர்- Dinamani

சுடச்சுட

    
    kamalanandhar

    * எவன் எதைப் பற்றி எந்த வகையில் சிந்திக்கிறானோ, அதை அதே வகையில் அனுபவிக்க ஆரம்பித்துவிடுகிறான். 
    - யோகவாசிட்டம்
    * இல்லறத்தான் எந்த உயிருக்கும் இம்சை செய்யக் கூடாது; திருடக் கூடாது; பொய் பேசக் கூடாது; கள் முதலிய போதைப் பொருள்கள் அருந்தக் கூடாது; பிறர் மனைவியை விரும்பக் கூடாது; இரவில் காலம் தாழ்த்தி உணவுகொள்ளக் கூடாது.
    - பெளத்த மதம்
    * நம் உள்ளத்தில் நிம்மதி இருந்தால்தான், நாம் உலகமெங்கிலும் அமைதி நிலவுவதாக உணருவோம். 
    - யோகவாசிட்டம்
    * தாறுமாறான எண்ணங்கள் கொள்ளுதல்; ""தானத்தினால் என்ன பயன்?'', ""யக்ஞம் செய்தவர்கள் என்ன கண்டார்கள்?'', ""புண்ணியமாவது, பாபமாவது'', ""இந்த உலகத்திலும் தர்மம் ஒன்றுமில்லை, பரலோகமும் கிடையாது'' என்றெல்லாம் நினைப்பது தவறாகும். 
    - பெளத்த மதம்
    * உலகில் வாழும் மக்கள் அனுபவிக்க நேராத துயரமே கிடையாது. இந்த உலகம்தான் எல்லாத் துயரங்களுக்கும் தோற்றுவாய், இதில் வாழும் மனிதனுக்கு இன்பம் வேண்டும் என்றால் எப்படி கிடைக்கும்? எல்லாத் துயரங்களும் முடிவு ஆத்மஞானம் ஒன்றுதான்.
    - யோகவாசிட்டம்
    * நீதி சபையில் ஒரு பக்கம் சார்ந்து பொய்சாட்சி சொன்னவன் வீடு, வாசல் ஆகியவை அழிந்துவிடும்.
    - நல்வழி
    * பிறவிப் பெருங்கடலைக் கடப்பதற்கு நான்கு வழிகள்தான் இருக்கின்றன. அவை சமம் (சாந்தம்), சந்தோஷம் (திருப்தி), நல்லோர் பெரியோர் சேர்க்கை, ஆன்மிகச் சிந்தனை ஆகியவை ஆகும். 
    - யோக வாசிட்டம் 
    * விவசாயம் செய். அதிலிருந்து கிடைப்பது குறைவாக இருந்தாலும் அதையே மிகுதியானது என்று கருது.
    - யஜுர்வேதம்
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai