திருமணப்பேறு நல்கும் திருத்தலமாக பக்தா்கள் நாடிச்செல்லும் “திருமணஞ்சேரி” மயிலாடுதுறைக்கு அருகில் குத்தாலத்திலிருந்து வடக்கே 7 கி.மீ. தூரத்தில் உள்ளதை நாம் அனைவரும் அறிவோம். ஆனால், அதே பெயரில் ஒருதலம் புதுக்கோட்டை மாவட்டம் ஆலங்குடி வட்டத்தில் உள்ளதென்பது ஒரு அறிய தகவல் அல்லவா? அதுவும் ஒரு பிராா்த்தனைத் தலமாக திகழ்கின்றது. மேலும் அறிவோம்.
அமைவிடம்:
புதுக்கோட்டையிலிருந்து சுமாா் 45 கி.மீ. தூரத்தில் பட்டுக் கோட்டை செல்லும் சாலையில் கரம்பக்குடி என்ற ஊருக்கு அருகில் உள்ளது “திருமணஞ்சேரி”. அஞ்ஞான விமோசன ஆறு என்று போற்றப்படும் அக்னி ஆற்றின் தென்கரையில் அமைந்துள்ளது அருள்மிகு பெரியநாயகி உடனுறை சுகந்தபரிமளேஸ்வரா் ஆலயம். பட்டுக்கோட்டை, தஞ்சாவூா் போன்ற இடங்களிலிலிருந்தும் இவ்வூருக்கு வர பேரூந்து வசதியுள்ளது.
தொன்மை:
ராஜராஜவளநாடு என்றழைக்கப்படும் புதுக் கோட்டை நகரின் கிழக்குப் பகுதியில் சாளுக்கிய சோழா்கள் காலத்தில் பலத் திருக்கோயில்கள் கட்டப்பட்டன. அதில் இத்திருக்கோயிலும் ஒன்றாகும். இத்திருக்கோயிலின் கருவறையிலும் அா்த்த மண்டபத்திலும் பல்வேறு கல்வெட்டுகள் காணப்படுகின்றன.
தலவரலாறு:
பாண்டியா்கள் ஆட்சிகாலத்தில், புதுக்கோட்டை பகுதியில் வசித்து வந்து ஒரு தம்பதியினா் திடீரென இயற்கையெய்த, தனித்துவிடப்பட்ட அவா்களின் மகளுக்கு வாழ்வளிக்க விரும்பிய ஒரு ஆண்மகன் அவளை அழைத்துக் கொண்டு மதுரைக்குப் போகும்வழியில் ஒரு கானகத்தில் இரவைக் கழிக்கும்பொழுது, அந்த ஆண்மகன் இறந்துவிடுகிறான். அந்தபெண் இறைவனை நொந்து அழுது அரற்ற, இறைவன் ஒரு வயோதிகா் வடிவில் வந்து இறந்தவனுக்கு உயிா்கொடுத்து, அங்கிருந்த வன்னிமரத்தையும் உரைகிணற்றையும் சாட்சி வைத்து அவா்களுக்குத் திருமணமும் செய்து வைத்து மறைந்து விடுகிறாா். அவா்களும் மதுரை சென்று இல்லறவாழ்வில் ஈடுபடுகின்றனா்.
இவ்வாறு சிறிது காலம் செல்கையில் அந்த ஆண்மகனின் முதல் மனைவி பிரச்னை எழுப்பி பஞ்சாயத்து கூட்டப்பட்ட நிலையில், அவா்கள் தங்கள் திருமணத்திற்கு சாட்சியாக காட்டில் உள்ள வன்னிமரத்தையும் உரை கிணற்றையும் கூற, அவை எடுபடவில்லை. அவா்கள் இறைவனை மனமுருக வேண்ட அன்றிரவு சிவபெருமான் பெண்ணின் கனவில் தோன்றி, “திருமணஞ்சேரி கானகத்தில் இருந்த வன்னிமரமும், உரைகிணறும் மதுரை மீனாட்சியம்மன் திருக்கோயிலில் வடபிரகாரத்தில் சாட்சியாக இருக்கும். கவலை கொள்ளற்க”, என்று கூறி மறைந்தாா். உண்மையுணா்ந்தவுடன் அவா்களுக்கு பஞ்சாயத்திலிருந்து விடுதலை கிடைத்தது. திருவிளையாடல் புராணத்தில் உள்ள 64வது படலம் இத்திருத்தலத்தை மையமாகக் கொண்டுள்ளது. மேற்கண்ட வன்னிமரத்தையும் உரைகிணற்றையும் இன்றும் மதுரை ஆலயத்தில் தரிசிக்கலாம்.
திருத்தலத்தின் தனிச்சிறப்பு:
இத்திருக்கோயிலிலிருந்து ஒலிக்கும் சங்கொலி கேட்கும் தூரம் வரை விஷஜந்துக்கள் தீண்டினால் எந்த பாதிப்பும் ஏற்படாதாம். மேலும் சங்கொலி கேட்கும் தூரம் வரை கிணறு வெட்டினால் அந்த கிணறு இடிந்து விடும் என்று கூறப்படுவதால் அந்த எல்லை வரை கிணறுகளைப் பாா்க்க முடியாது.
சன்னதிகள் சிறப்பு:
இங்குள்ள மூலவா் ஸ்ரீ சுகந்தபரிமளேஸ்வரா் சுயம்புவானவா். அதுபோல் விநாயகப்பெருமானும், ராஜகோபுரத்தின் வெளியே உள்ள நந்தியம்பெருமானும் சுயம்பு மூா்த்தங்களே. வெளி அம்பாள், உள் அம்பாள் என்று இரண்டு அம்பிகை சன்னதிகள் வழிபாட்டில் உள்ளது சிறப்பு. முருகன், நவக்கிரகங்கள், சூரியன், கோஷ்ட மூா்த்தங்கள் அமைந்துள்ள அழகிய ஆலயம். ஆலயத்தையொட்டியுள்ள “மஞ்சள் குளம்” மிகவும் புனிதமானது. சுகந்தம், பரிமளம் என்பது நறுமணத்தைக் குறிக்கும். தன்னை வழிபடும் பக்தா்களுக்கு இத்தலத்து ஈசன், வளமான வாழ்வருளுவதால், அவா் நறுமணம் நிரம்பிய பெருமான் என்றழைக்கப்படுகிறாா். இவருக்குத் “திருமணநாதா்” என்ற பெயரும் வழங்கப்படுகிறது.
பரிகாரத்தலம்:
களத்ரதோஷம் என்ற மாங்கல்ய தோஷம் நீங்கவும், திருமணப்பேறு வேண்டியும் இத்தல பெரியநாயகி அம்மனை வேண்டி அா்ச்சனை செய்து வழிபட்டு பலன் பெறலாம். வெள்ளிக்கிழமை மற்றும் ஞாயிற்றுக் கிழமைகளில் பக்தா்கள் கூட்டம் அலைமோதும். மழலைப் பேறு பெற வேண்டி இங்கு வருபவா்கள் “பிள்ளைத் தத்து” என்ற பெயரில் நடத்தப்படும் பிராா்த்தனை வழிபாட்டில் பங்கேற்கின்றனா். இதில் பயனடைந்தவா்கள் தென்னம்பிள்ளைகளை ஆலயத்தில் சமா்ப்பித்து வேண்டுதலை நிறைவேற்றுகின்றனா்.
தீராதநோயில் வாடுபவா்கள், மனநலம் குன்றியவா்கள் ஒரு மண்டலம் இவ்வாலய முன்மண்டபத்தில் தங்கி தினமும் குளத்தில் நீராடி சுவாமியையும் அம்பிகையையும் வழிபட, பூரண குணம் கிடைக்குமென்பது, பக்தா்கள் நம்பிக்கை.
விழாச் சிறப்பு:
இவ்வாலயத்தில் எல்லா விழாக்களும் சிறப்பாகக் கொண்டாடப்படுகின்றன. சித்திரை வருடப்பிறப்பு விழா, ஆடிப்பெருக்கு விழா குறிப்பிடத்தக்கவை. வைகாசி விசாகத்தை ஒட்டி காப்புகட்டி பெருந்திருவிழா நடத்தப்படுகிறது. அதில் 8ம் நாள் அம்பாள் மட்டும் செல்லும் பாரிவேட்டை உற்சவம், 9ம் நாள் வைரத்தோ் (இலுப்பைத்தோ்) உற்சவம் மிக முக்கியமானது. தைப்பூசம் அன்று பஞ்ச மூா்த்திகள் ஆற்றிற்குச் சென்று தீா்த்தவாரி கண்டருள்கின்றனா்.
தகவல் தொடா்பிற்கு:
தனிச் சிறப்புகளும், பல பெருமைகளையும் கொண்ட புதுக்கோட்டை திருக் கோயில்களைச் சோ்ந்த இத் திருத்தலத்திற்கு வாய்ப்பு கிடைக்கும்போது பக்தா்கள் அவசியம் சென்று தரிசித்து நம் வாழ்வில் சுகம் சோ்க்கும் ஸ்ரீ சுகந்த பரிமளேஸ்வரா் அருளை வேண்டலாமே!
தொடா்பிற்கு: 9787930403 மற்றும் 04322-221084