இந்த வாரப் பலன்களை தினமணி ஜோதிடர் கே.சி.எஸ்.ஐயர் கணித்து வழங்கியுள்ளார்.
மேஷம் (அசுவினி, பரணி, கார்த்திகை முதல் பாதம் முடிய)
புதிய சொத்துகள் வாங்கும் யோகம் உண்டாகும். தொழிலில் முன்னேற்றம் உண்டு. உடல் ஆரோக்கியமும் மன வளமும் சிறப்பாக இருக்கும்.
உத்தியோகஸ்தர்களுக்கு செலவு குறையும். வியாபாரிகள் புதிய முயற்சிகளில் எச்சரிக்கையுடன் இருப்பார்கள். விவசாயிகள் புதிய குத்தகைகளை எடுப்பார்கள்.
அரசியல்வாதிகளுக்குப் புதிய பதவிகள் தேடிவரும். கலைத்துறையினர் குறைசொல்பவர்களைவிட்டு ஒதுக்கிவிடுவார்கள். பெண்கள் குடும்ப ஒற்றுமையைப் பேணிக் காப்பார்கள். மாணவர்கள் அதிக மதிப்பெண்களைப் பெறுவார்கள்.
சந்திராஷ்டமம் - இல்லை.
ரிஷபம் (கார்த்திகை 2-ம் பாதம் முதல் ரோகிணி, மிருகசீரிஷம் 2-ம் பாதம் முடிய)
பணவரவு இருக்கும். உறவினர்களால் நன்மை உண்டு. பெற்றோர்களின் ஆதரவு நிரம்பக் கிடைக்கும். உடல் உபாதைகளிலிருந்து விடுபடுவீர்கள்.
உத்தியோகஸ்தர்களுக்குத் தகுந்த ஊதியம் கிடைக்கும். வியாபாரிகள் புதிய முயற்சிகளை நன்கு யோசித்து செயல்படுத்தவும். விவசாயிகள் விளைச்சலில் நல்ல நிலையைக் காண்பார்கள்.
அரசியல்வாதிகளுக்கு கட்சி மேலிடத்தின் அங்கீகாரம் கிடைக்கும். கலைத்துறையினருக்கு புதிய ஒப்பந்தங்கள் கிடைக்கும். பெண்கள் சுப நிகழ்ச்சிகளை நடத்துவார்கள். மாணவர்கள் விளையாட்டுகளில் பரிசுகளைப் பெறுவார்கள்.
சந்திராஷ்டமம் - 20,21
மிதுனம் (மிருகசீரிஷம் 3ம் பாதம் முதல் திருவாதிரை,புனர்பூசம் 3-ம் பாதம் முடிய)
நெடுநாளைய எண்ணம் நிறைவேறும். பெரியோரின் தொடர்பும் ஆன்மிக ஈடுபாடும் ஏற்படும். நண்பர்களின் உதவி கிடைக்கும். செல்வாக்கு உயரும்.
உத்தியோகஸ்தர்கள் அனைத்து வேலைகளையும் செய்துமுடிப்பீர்கள். வியாபாரிகள் சிறிய சிரமத்தைக் காண்பார்கள்.
விவசாயிகள் கால்நடைகளால் நல்ல லாபம் கிடைக்கும். அரசியல்வாதிகளுக்கு பிரச்னைகளைச் சமாளிக்கும் ஆற்றல் கிடைக்கும். கலைத்துறையினர் விட்டுக் கொடுத்து நடக்கவும். பெண்கள் கேளிக்கைகளில் பங்கேற்பார்கள். மாணவர்கள் சக மாணவர்களின் உதவிகளைப் பெறுவார்கள்.
சந்திராஷ்டமம் - 22,23.
கடகம் (புனர்பூசம் 4-ம் பாதம் முதல் பூசம், ஆயில்யம் முடிய)
எண்ணிய காரியங்களை முடித்துவிடுவீர்கள். சுப காரியங்களில் இருந்த சுணக்கம் குறையும். எதிர்பார்த்த உதவிகள் கிடைக்கும். தொழிலில் புத்திசாலித்தனத்துடன் நடப்பீர்கள்.
உத்தியோகஸ்தர்களுக்கு ஊதிய உயர்வு கிடைக்கும். வியாபாரிகள் புதிய யுக்திகளைப் பயன்படுத்துவார்கள். விவசாயிகளுக்கு மகசூல் பெருகும். அரசியல்வாதிகள் அரசு அலுவலர்களின் ஆதரவைப் பெறுவார்கள்.
கலைத்துறையினர் புதிய படைப்புகளை உருவாக்குவார்கள். பெண்கள் பாராட்டுகளால் மகிழ்ச்சி அடைவீர்கள். மாணவர்களுக்கு நல்ல பலன் கிடைக்கும்.
சந்திராஷ்டமம் - 24,25.
சிம்மம் (மகம், பூரம், உத்திரம் முதல் பாதம் முடிய)
புதிய உற்சாகத்தைப் பெறுவீர்கள். குடும்பத்தில் சுப நிகழ்ச்சிகள் நடக்கும். மதிப்பு அதிகரிக்கும். உங்கள் எண்ணங்கள் செயல்வடிவம் பெறும். உத்தியோகஸ்தர்களுக்கு நிம்மதி தரும் இடமாற்றம் உண்டு. வியாபாரிகள் கூட்டாளிகளிடம் ரகசியங்களைப் பகிர வேண்டாம். விவசாயிகள் பழைய குத்தகை பாக்கிகளை வசூலிப்பார்கள்.
அரசியல்வாதிகள் வாழ்வில் முன்னேற்றத்தைக் காண்பார்கள். கலைத்துறையினருக்குப் புதிய வாய்ப்புகள் கிடைக்கும். பெண்கள் சுப நிகழ்ச்சிகளை நடத்துவார்கள். மாணவர்கள் படிப்பில் அக்கறை செலுத்துவார்கள்.
சந்திராஷ்டமம் - 26.
கன்னி (உத்திரம் 2-ம் பாதம் முதல் அஸ்தம், சித்திரை 2-ம் பாதம் முடிய)
உயர்பொறுப்பில் இருப்போரிடம் அனுசரித்து நடப்பீர்கள். இல்லத்துக்கு ஆடம்பரப் பொருள்களை வாங்குவீர்கள். எதிரிகளின் தன்மையை அறிந்து கருத்துகளை கூறவும்.
பயணம் நேரிடும். உத்தியோகஸ்தர்களுக்கு வேலைமாற்றம் கிடைக்கும். வியாபாரிகள் வியாபாரத்தை விரிவுபடுத்துவார்கள். விவசாயிகளுக்கு நீர்ப்பாசன வசதி நன்றாக இருக்கும்.
அரசியல்வாதிகளுக்கு மேலிடத்தின் ஆதரவு கிடைக்கும். கலைத்துறையினருக்கு ரசிகர்களின் அன்பு மேலோங்கும். பெண்களுக்கு கணவரின் ஆதரவு கிடைக்கும். மாணவர்கள் நல்ல மதிப்பெண்களைப் பெறுவார்கள்.
சந்திராஷ்டமம் - இல்லை.
துலாம் (சித்திரை 3-ம் பாதம் முதல் சுவாதி, விசாகம் 3-ம் பாதம் முடிய)
முக்கிய திருப்பங்களைக் காண்பீர்கள். ஆசைகளைத் தவிருங்கள். தாமதித்த செயல்களைத் துரிதப்படுத்துவீர்கள். உடல் ஆரோக்கியத்திலும் அக்கறை காட்டுவீர்கள். உத்தியோகஸ்தர்கள் சுறுசுறுப்புடன் பணியாற்றுவீர்கள். வியாபாரிகள் சுமுகமாகப் பழகுவீர்கள். விவசாயிகளுக்கு நல்ல வருவாய் கிடைக்கும். அரசியல்வாதிகளுக்குப் பேச்சில் கவனம் தேவை.
கலைத்துறையினருக்கு சக கலைஞர்களின் உதவி கிடைக்கும். பெண்கள் உறவினர்கள் வருகையால் மகிழ்ச்சி அடைவீர்கள். மாணவர்களுக்குப் படிப்பில் கவனம் தேவை.
சந்திராஷ்டமம் - இல்லை.
விருச்சிகம் (விசாகம் 4-ம் பாதம் முதல் அனுஷம், கேட்டை முடிய)
எண்ணங்களை உறுதியுடன் செயல்படுத்துவீர்கள். பழைய தாக்கங்களையும் மறக்க முயல்வீர்கள். பொருளாதாரத்தில் முன்னேற்றத்தைக் காண்பீர்கள்.
உத்தியோகஸ்தர்கள் நிதானத்துடன் செயல்படுவார்கள். வியாபாரிகள் கூட்டாளிகளுடன் சேர்ந்து புதிய முயற்சிகளை செயல்படுத்துவார்கள். விவசாயிகள் கடுமையாக உழைப்பார்கள்.
அரசியல்வாதிகள் வீண் பேச்சு, சண்டைகளில் ஈடுபடாதீர்கள். கலைத்துறையினர் பயணங்களைத் தள்ளிப் போடவும். பெண்களுக்கு தன்னம்பிக்கை அதிகரிக்கும். மாணவர்கள் படிப்பில் முன்னேற்றம் காண்பார்கள்.
சந்திராஷ்டமம் - இல்லை.
தனுசு (மூலம், பூராடம், உத்திராடம் முதல் பாதம் முடிய)
இல்லத்தில் சுப நிகழ்ச்சிகள் நடக்கும். சமயோஜித புத்தியால் தக்கத் தருணத்தில் சரியான முடிவை எடுப்பீர்கள். ஆன்மிகத்திலும் தரும காரியங்களிலும் ஈடுபடுவீர்கள். மன அழுத்தம் குறையும்.
உத்தியோகஸ்தர்கள் புதிய பயிற்சிகளை மேற்கொள்வார்கள். வியாபாரிகள் அனுகூலமான திருப்பங்களைக் காண்பார்கள். விவசாயிகளுக்கு புழு, பூச்சிகளால் பாதிப்பு இராது.
அரசியல்வாதிகளுக்கு தடைகள் விலகும். கலைத்துறையினரைத் தேடி வாய்ப்புகள் வரும். பெண்கள் குடும்பத்துடன் சுற்றுலா செல்வார்கள். மாணவர்கள் விளையாட்டுகளில் வெற்றி பெறுவார்கள்.
சந்திராஷ்டமம் - இல்லை.
மகரம் (உத்திராடம் 2-ம் பாதம் முதல் திருவோணம், அவிட்டம் 2-ம் பாதம் முடிய)
பணவரவு நன்றாக இருக்கும். குடும்பத்தில் சிக்கல்கள் தீரும். உடன் பிறந்தோரைக் கவருவீர்கள். பழைய கடன்களை அடைப்பீர்கள். உத்தியோகஸ்தர்கள் தங்களது பணிகளை முன்னதாகவே செய்துவிடுவார்கள். வியாபாரிகள் உடலுழைப்பை அதிகரித்துகொள்வார்கள். விவசாயிகள் பாசன வசதிகளில் கவனம் செலுத்துவார்கள்.
அரசியல்வாதிகள் எதிர்பாராத உதவிகளைப் பெறுவார்கள். கலைத்துறையினர் புதிய வருவாயை பெறுவார்கள். பெண்களுக்கு குடும்பத்தினரின் ஆதரவு கிடைக்கும். மாணவர்கள் படிப்பில் சாதனைகளைப் புரிவார்கள்.
சந்திராஷ்டமம் - இல்லை.
கும்பம் (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய)
அதிர்ஷ்ட வாய்ப்பு தேடி வரும். தொழிலில் நிலைமைகள் சீரடையும். பழைய கடன்கள் வசூலாகும். திறமையும் தன்னம்பிக்கையும் பளிச்சிடும்.
உத்தியோகஸ்தர்கள் முன்னேற்றத்தைக் காண்பார்கள். வியாபாரிகள் ஆலோசித்து முடிவுகளை எடுக்கவும். விவசாயிகளுக்கு பிறர் உதவிக்கரம் நீட்டுவார்கள்.
அரசியல்வாதிகள் எதிர்காலத்தை மனதில் வைத்துகொண்டு உழைப்பார்கள். கலைத்துறையினர் பல முயற்சிகளைச் செயல்படுத்துவார்கள்.
பெண்கள் கணவரை புரிந்துகொண்டு மதித்து நடப்பார்கள். மாணவர்கள் யோகா, தியானத்தை மேற்கொள்வார்கள்.
சந்திராஷ்டமம் -இல்லை.
மீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய)
வயிற்றுப் பிரச்னைகள் தோன்றி மறையும். குடும்பத்தில் ஒற்றுமை நிலவும். உத்தியோகஸ்தர்கள் கடினமான பணிகளையும் செய்து முடிப்பார்கள்.
வியாபாரிகள் வியாபாரத்தை விரிவுபடுத்த முயற்சிகளை எடுப்பார்கள். விவசாயிகள் பூச்சிக்கொல்லி மருந்துகளைப் பயன்படுத்துவார்கள்.
அரசியல்வாதிகளுக்கு மாற்றுக்கட்சியினரும் உதவி செய்வார்கள். கலைத்துறையினர் புதிய கலைநுட்பங்களைக் கற்றுக்கொள்வார்கள்.
பெண்களின் அணுகுமுறையை குடும்பத்தினர் பாராட்டுவார்கள். மாணவர்கள் தீயோரின் நட்பை விலக்கி விடுவார்கள்.
சந்திராஷ்டமம் - இல்லை.