லிபியாவையொட்டிய கடல் பகுதியில் அகதிகள் படகு கவிழந்து விபத்துக்குள்ளானதில், 100-க்கும் மேற்பட்டவர்கள் உயிரிழந்ததாக எல்லைகள் அற்ற மருத்துவர்கள்' அமைப்பு தெரிவித்துள்ளது. இதுகுறித்து அந்த அமைப்பு கூறியதாவது:
சூடான், மாலி, நைஜீரியா, கேமரூன், கானா, லிபியா, அல்ஜீரியா, எகிப்து ஆகிய நாடுகளிலிருந்து, ஐரோப்பிய நாடுகளில் அடைக்கலம் தேடும் அகதிகளை ஏற்றிய இரு ரப்பர் படகுகள் லிபியாவிலிருந்து அண்மையில் புறப்பட்டது. அவற்றில் ஒரு படகில் ஓட்டை விழுந்து காற்று வெளியேறியதால் அது நீரில் மூழ்கியது. அதையடுத்து, அதிலிருந்த 100-க்கும் மேற்பட்டோர் உயிரிழந்தனர். 276 பேர் மீட்கப்பட்டனர் என்று அந்த அமைப்பு தெரிவித்தது.