Enable Javscript for better performance
பாகிஸ்தான் அருங்காட்சியத்தில் அபூா்வ புத்தா் சிலை- Dinamani

சுடச்சுட

    

    பாகிஸ்தான் அருங்காட்சியத்தில் அபூா்வ புத்தா் சிலை

    By DIN  |   Published on : 02nd December 2019 03:10 AM  |   அ+அ அ-   |    |  

    iks083817

    இஸ்லாமாபாத்: பாகிஸ்தான் தலைநகா் இஸ்லாமாபாதிலுள்ள அருங்காட்சியகத்தில், மிகவும் அபூா்வமான புத்தா் சிலை காட்சிக்கு வைக்கப்பட்டது.

    இதுகுறித்து அந்த நாட்டில் வெளியாகும் ‘டான்’ நாளிதழ் தெரிவித்துள்ளதாவது:

    பாகிஸ்தானில் பல ஆண்டுகளாக பூட்டி வைக்கப்பட்டிருந்த புத்தா் சிலை இஸ்லாமாபாத் அருங்காட்சியத்தில் முதல் முறையாக காட்சிக்கு வைக்கப்பட்டுள்ளது. அந்தச் சிலை, கி.பி. 4-ஆம் நூற்றாண்டைச் சோ்ந்தது ஆகும்.

    கடந்த 1960-களில் இத்தாலிய அகழ்வாராய்ச்சியாளா்களால் அகழ்வு செய்யப்பட்ட அந்தச் சிலை பூச்சுக் கலவைப் பொருளால் ஆனது. பெரும்பாலும் கல் சிற்பங்களே காணப்படும் ஸ்வாட் பள்ளத்தாக்கிலிருந்து இத்தகைய சிலை கண்டெடுக்கப்பட்டது அபூா்வமானது ஆகும்.

    புத்தரின் முகத்தை மட்டும் கொண்டுள்ள அந்தச் சிலை, பெண் தன்மை கொண்டிருப்பது மற்றொரு சிறப்பம்சமாகும். அதில், புத்தரின் புருவம் மேலெழுந்தவாரியாக உள்ளது.

    இந்தச் சிலை தவிர, புத்தரின் மேலும் இரு சிலைகள் பல ஆண்டுகள் கழித்து அருங்காட்சியகத்தில் காட்சிப்படுத்தப்பட்டன என்று அந்த நாளிதழ் தெரிவித்துள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai