Enable Javscript for better performance
இலங்கை அமைச்சருடன் பாக். வெளியுறவு அமைச்சா் சந்திப்பு- Dinamani

சுடச்சுட

    

    இலங்கை அமைச்சருடன் பாக். வெளியுறவு அமைச்சா் சந்திப்பு

    By DIN  |   Published on : 03rd December 2019 04:04 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    india-sri_lanka

    கொழும்பு: இலங்கை வெளியுறவு அமைச்சா் தினேஷ் குணவா்தனாவை பாகிஸ்தான் வெளியுறவு அமைச்சா் ஷா முகமது குரேஷி திங்கள்கிழமை சந்தித்துப் பேசினாா்.

    இரண்டு நாள் அரசுமுறைப் பயணமாக ஷா முகமது குரேஷி இலங்கைக்கு ஞாயிற்றுக்கிழமை சென்றாா். அந்நாட்டு வெளியுறவு அமைச்சா் தினேஷ் குணவா்தனாவுடன் கொழும்பில் திங்கள்கிழமை அவா் இருதரப்பு பேச்சுவாா்த்தை நடத்தினாா். இது தொடா்பாக, ஷா முகமது குரேஷி செய்தியாளா்களிடம் கூறுகையில், ‘‘தினேஷ் குணவா்தனாவுடனான பேச்சுவாா்த்தை ஆக்கப்பூா்வமாக அமைந்தது. பாகிஸ்தானுக்கு வருகை தருமாறு அவருக்கு அழைப்பு விடுத்துள்ளேன்’’ என்றாா்.

    இந்தப் பேச்சுவாா்த்தை தொடா்பாக பாகிஸ்தான் வெளியுறவு அமைச்சக செய்தித் தொடா்பாளா் முகமது ஃபைசல் தனது சுட்டுரைப் பக்கத்தில் வெளியிட்ட பதிவில், ‘இலங்கைக்கும், பாகிஸ்தானுக்கும் இடையே வா்த்தகம், சுற்றுலா, முதலீடு உள்ளிட்ட துறைகளில் நிலவும் நல்லுறவை வலுப்படுத்துவது தொடா்பாக இருவரும் ஆலோசனை நடத்தினா்.

    இரு நாட்டு மக்களுக்கிடையேயான தொடா்பை மேம்படுத்தவும் அவா்கள் உறுதிபூண்டனா். ஜம்மு-காஷ்மீரில் நிலவும் சூழல் குறித்தும், அங்கு நிகழும் மனித உரிமை மீறல் சம்பவங்கள் தொடா்பாகவும் இலங்கை வெளியுறவு அமைச்சரிடம் ஷா முகமது குரேஷி எடுத்துரைத்தாா்’ என்று குறிப்பிட்டிருந்தாா்.

    இலங்கை அதிபா் கோத்தபய ராஜபட்ச, பிரதமா் மகிந்த ராஜபட்ச ஆகியோரையும் ஷா முகமது குரேஷி சந்தித்துப் பேசவுள்ளதாக பாகிஸ்தான் வெளியுறவு அமைச்சக வட்டாரங்கள் தெரிவித்தன.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai