முழுவதும் மின்சாரத்தில் இயங்கும் வா்த்தகரீதியிலான உலகின் முதல் மின்சார விமானம், கனடாவில் பறக்கவிடப்பட்டுள்ளது.
இதுகுறித்து தகவல்கள் தெரிவிப்பதாவது:
வா்த்தகரீதியில் பயன்படுத்துவதற்காக உருவாக்கப்பட்ட உலகின் முதல் மின்சார படகு விமானம், கனடாவின் வான்கூவா் நகரில் செவ்வாய்க்கிழமை பறக்கவிடப்பட்டது. அந்த நாட்டின் ‘ஹாா்பா் ஏா்’ நிறுவனம், விஸிலா் வாசஸ்தல நிறுவனம், அமெரிக்காவின் மேக்னி-எக்ஸ் நிறுவனம் ஆகியவை கூட்டாக உருவாக்கிய இந்த விமானம், சுமாா் 15 நிமிடங்களுக்குப் பறந்தது.
6 போ் அமா்ந்து செல்லக் கூடிய பழைய ஹாவிலண்ட் பீவா் ரக படகு விமானத்தில், மேக்னி-எக்ஸ் நிறுவனத்தால் வடிவமைக்கப்பட்ட மின்சார மோட்டாா் பொருத்தி, அந்த மின்சார விமானம் உருவாக்கப்பட்டுள்ளது.
இந்த விமானம் பறக்கவிடப்பட்டுள்ளதன் மூலம், விமானப் போக்குவரத்துத் துறையில் புதிய அத்தியாயம் தொடங்கியுள்ளதாக மேக்னி-எக்ஸ் நிறுவனத்தில் தலைவா் ரோயி கன்ஸாா்ஸ்கி தெரிவித்தாா். விமானத்தை இயக்குவதற்கு மின்சாரத்தைப் பயன்படுத்துவதன் மூலம் ஏராளமான எரிபொருள் செலவு மிச்சமாகும் எனவும், சுற்றுச்சூழல் பாதுகாக்கப்படும் எனவும் தகவல்கள் தெரிவிக்கின்றன.