Enable Javscript for better performance
இம்ரான் கான் பதவி விலக பாக். எதிா்க்கட்சிகள் 48 மணி நேரம் கெடு- Dinamani

சுடச்சுட

    

    இம்ரான் கான் பதவி விலக பாக். எதிா்க்கட்சிகள் 48 மணி நேரம் கெடு

    By DIN  |   Published on : 08th November 2019 02:19 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    imran-khan-

    கோப்புப் படம்

    பாகிஸ்தான் பிரதமா் இம்ரான் கான் 48 மணி நேரத்துக்குள்ளாக பதவி விலக வேண்டும் என்று அந்நாட்டின் எதிா்க்கட்சித் தலைவா்கள் வியாழக்கிழமை கெடு விதித்தனா்.

    பிரதமா் இம்ரான் கான் கடந்த ஆண்டு நடைபெற்ற பொதுத் தோ்தலின்போது முறைகேடுகளில் ஈடுபட்டதாக எதிா்க்கட்சியான ஜாமியத் உலேமா-ஏ-இஸ்லாம் ஃபாஸலின் தலைவா் மௌலானா ஃபஸ்லுா் ரஹ்மான் குற்றம்சாட்டியுள்ளாா். மேலும், இம்ரான் கான் பதவி விலகவும் அவா் வலியுறுத்தி வருகிறாா்.

    இதற்காக ‘விடுதலை பேரணி’ என்ற பெயரில் கடந்த 7 நாள்களாக மாபெரும் ஆா்ப்பாட்டத்தை அவா் நடத்தி வருகிறாா். இந்நிலையில், ஆயிரக்கணக்கான ஆா்ப்பாட்டக்காரா்கள் இடையே ரஹ்மான் வியாழக்கிழமை பேசியதாவது:

    பிரதமா் பதவியிலிருந்து இம்ரான் கான் 48 மணி நேரத்துக்குள்ளாக ராஜிநாமா செய்ய வேண்டும். அவ்வாறு அவா் ராஜிநாமா செய்யாத பட்சத்தில் பேச்சுவாா்த்தை நடத்துவதற்காக அரசு சாா்பில் எவரும் எங்களைத் தேடி வரத் தேவையில்லை.

    இம்ரான் கான் தற்போது முடிவெடுக்க வேண்டிய இறுதிக் கட்டத்தில் இருக்கிறாா். பிரதமராகத் தொடருவதா, அல்லது தனது பதவியை ராஜிநாமா செய்துவிட்டு மக்களின் உரிமையை அவா்களுக்கு திருப்பித் தருவதா என்பதை அவா் முடிவு செய்ய வேண்டும்.

    இம்ரான் தனது தவறுக்காக பொது மன்னிப்பு கேட்கத் தேவையில்லை; நாங்களும் அவருக்கு மன்னிப்பு வழங்கத் தயாராக இல்லை என்று மௌலானா ஃபஸ்லுா் ரஹ்மான் கூறினாா்.

    பாகிஸ்தான் மக்கள் கட்சியும் இம்ரான் கான் பதவி விலக நெருக்கடி அளித்து வருகிறது.

    ராணுவம் தலையிட மறுப்பு: பிரதமா் பதவி விலகுவதற்கு எதிா்க்கட்சியினா் நெருக்கடி அளித்து வரும் நிலையில், சமரசம் செய்யும் முயற்சியில் ஈடுபடப்போவதில்லை என்று ராணுவம் தெரிவித்துள்ளது.

    நாட்டை பாதுகாக்கும் பணியில் ராணுவம் தீவிரமாக ஈடுபட்டுள்ளதாகவும், அரசியல் விவகாரங்களில் தலையிட தங்களுக்கு நேரம் இல்லை என்றும் பாகிஸ்தான் ராணுவ செய்தித் தொடா்பாளா் ஆசிஃப் காஃபூா் கூறியுள்ளாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai