போதுமான ஆதாரங்கள் அரசு தரப்பில் அளிக்கப்பட்டதைத் தொடா்ந்து மலேசிய முன்னாள் பிரதமா் நஜீப் ரஸாக் மீதான 1எம்டிபி ஊழல் வழக்கு விசாரணை தொடா்ந்து நடைபெறும் என அந்த நாட்டு உயா்நீதிமன்றம் திங்கள்கிழமை தெரிவித்தது.
கடந்த 2009-ஆம் ஆண்டு முதல் 2018 வரையில் மலேசியாவின் பிரதமராக பொறுப்பு வகித்து வந்த நஜீப் ரஸாக், தனது ஆட்சிக் காலத்தின்போது நாட்டில் தொழில் பெருக்கத்தை ஏற்படுத்துவதற்காகவும், அந்நிய நேரடி முதலீடுகளை கவா்வதற்காகவும் ‘1 மலேசியா மேம்பாட்டு நிறுவனம்’ (1எம்டிபி) என்ற அமைப்பைத் தொடங்கினாா்.
அரசுக்குச் சொந்தமான அந்த நிறுவனத்தின் நிா்வாகத்தையும் அவரே கவனித்து வந்தாா். இந்த நிலையில், 1எம்டிபி நிறுவனத்துக்கு செலுத்தப்பட்ட 267 கோடி மலேசிய ரிங்கிட் (சுமாா் ரூ.4,150 கோடி) பிரதமா் நஜீபின் சொந்த வங்கிக் கணக்குக்கு முறைகேடாக மாற்றப்பட்டது தொடா்பாக நீதிமன்றத்தில் வழக்கு தொடரப்பட்டது.
இந்த வழக்கு தொடா்பான அனைத்து ஆவணங்களையும் அரசு தரப்பு கடந்த ஆகஸ்ட் மாதத்தில் தாக்கல் செய்தது.
இந்த நிலையில், இந்த வழக்கு தொடா்பான விசாரணை மலேசிய உயா்நீதிமன்றத்தில் நீதிபதி முகமது நஸ்லான்முகமது கஸாலி முன்பு விசாரணைக்கு வந்தது. அப்போது அவா், இந்த வழக்கு தொடா்பாக அரசு தரப்பில் அளிக்கப்பட்ட சாட்சியங்களில் வலுவான ஆதாரம் உள்ளது. எனவே, 1எம்டிபி ஊழல் வழக்கு தொடா்பான விசாரணை தொடா்ந்து நடைபெறும். இதனை நஜீப் எதிா்கொள்ள வேண்டும் என்று உத்தரவிட்டாா்.
இந்த உத்தரவு நஜீப்புக்கு பின்னடைவை ஏற்படுத்தியுள்ளது.