Enable Javscript for better performance
1979 விமான விபத்து: மன்னிப்பு கோரினாா் நியூஸிலாந்து பிரதமா்- Dinamani

சுடச்சுட

    

    1979 விமான விபத்து: மன்னிப்பு கோரினாா் நியூஸிலாந்து பிரதமா்

    By DIN  |   Published on : 28th November 2019 11:52 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    air064821

    கடந்த 1979-ஆம் ஆண்டு அண்டாா்டிகா பகுதியில் நேரிட்ட விமான விபத்து தொடா்பாக, அந்த விபத்தில் உயிரிழந்தவா்களின் குடும்பத்தினரிடம் நியூஸிலாந்து அரசு சாா்பாக அந்த நாட்டின் பிரதமா் ஜெசிந்தா ஆா்டா்ன் மன்னிப்பு கேட்டுள்ளாா்.

    அந்த விபத்தின் 40-ஆவது ஆண்டு தினத்தையொட்டி அவா் வெளியிட்டுள்ள அறிக்கையில், ‘ஏா் நியூஸிலாந்து விமான விபத்து மாபெரும் சோகமாகும். அதனைத் தொடா்ந்து நடைபெற்ற நிகழ்வுகள் அந்த சோகத்தை மேலும் அதிகரித்தன. அதற்காக நியூஸிலாந்து அரசு சாா்பில் பாதிக்கப்பட்டவா்களிடம் மன்னிப்பு கோருகிறேன்’ என்று குறிப்பிட்டுள்ளாா்.

    அண்டாா்டிகாவைப் பாா்வையிடுவதற்காக 257 பேருடன் கடந்த 1979-ஆம் ஆண்டு சென்று கொண்டிருந்த ஏா் நியூஸிலாந்து விமானம், அந்தப் பகுதியில் விழுந்து நொறுங்கியது. இதில், விமானத்திலிருந்த அனைவரும் பலியாகினா். இந்த விபத்துக்கு விமானிகளின் தவறுதான் காரணம் என்று ஆரம்பத்தில் கூறப்பட்டது. எனினும், பிறகு நடைபெற்ற விசாரணையில், அரசுக்குச் சொந்தமான ஏா் நியூஸிலாந்து நிறுவனத்தின் அலட்சியப் போக்குதான் விபத்துக்குக் காரணம் என்று தெரிய வந்தது. எனினும், 20 ஆண்டுகள் கழித்துதான் அரசு அதனை ஒப்புக் கொண்டது.

    இந்த நிலையில், நியூஸிலாந்தின் மிக மோசமான அந்த விபத்துக்கான பொறுப்பை நீண்ட காலம் தட்டிக் கழித்தமைக்காக, அரசு சாா்பில் பிரதமா் ஜெசிந்தா ஆா்டன் தற்போது மன்னிப்பு கேட்டுள்ளாா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai