அமெரிக்க பாதுகாப்பு ஆலோசகர் ஜான் போல்டனை பதவியிலிருந்து அதிரடியாக அந்நாட்டு அதிபர் டிரம்ப் நீக்கினார்.
சுட்டுரையில் அவர் செவ்வாய்க் கிழமை வெளியிட்ட பதிவில், போல்டன் கூறிய பல யோசனைகளை நான் நிராகரித்துவிட்டேன். நிர்வாகத்தில் இருக்கும் மேலும் சிலரும் அவரது யோசனைகளை நிராகரித்தனர். அதனால், அவரை ராஜிநாமா செய்யுமாறு அறிவுறுத்தினேன். நாட்டின் புதிய பாதுகாப்பு ஆலோசகரின் பெயரை அடுத்த வாரம் அறிவிப்பேன் என்று குறிப்பிட்டுள்ளார்.
கடந்த ஆண்டு ஏப்ரல் மாதம் போல்டன், பாதுகாப்பு ஆலோசகராகப் பொறுப்பேற்றார். டிரம்ப் பதவி நீக்கம் செய்த மூன்றாவது பாதுகாப்பு ஆலோசகர் போல்டன் என்பது குறிப்பிடத்தக்கது.