Enable Javscript for better performance
மேலும் ஓர் ஏவுகணை லாஞ்சரை சோதித்தது வட கொரியா- Dinamani

சுடச்சுட

    
    missale


    வட கொரியா மீண்டும் ஓர் ஏவுகணை ஏவு சாதனத்தை (லாஞ்சர்) சோதித்துத் பார்த்துள்ளது.
    இதுகுறித்து அந்த நாட்டின் கேசிஎன்ஏ செய்தி நிறுவனம் புதன்கிழமை கூறியதாவது:
    பல ஏவுகணைகளை அடுத்தடுத்து ஏவக் கூடிய திறன் வாய்ந்த, மிகப் பிரம்மாண்டமான ஏவுகணை லாஞ்சர், செவ்வாய்க்கிழமை சோதித்துப் பார்க்கப்பட்டது.
    அந்த சோதனையை, அதிபர் கிம் ஜோங்-உன் நேரில் பார்வையிட்டு ஆலோசனைகளை வழங்கினார்.
    போரின்போது ஏவுகணைகளைத் தயார்ப்படுத்துவதற்குத் தேவையான கால அளவைத் தெரிந்துகொள்வதற்காக இந்தச் சோதனை மேற்கொள்ளப்பட்டது.
    அந்த ஏவுகணை லாஞ்சரின் சக்தியை சோதிக்க வேண்டியது இன்னும் பாக்கியுள்ளது என்று அந்தச் செய்தி நிறுவனம் தெரிவித்துள்ளது.
    முன்னதாக, அடையாளம் தெரியாத 2 ஏவுகணைகளை வட கொரியா செவ்வாய்க்கிழமை ஏவியதாகவும், அவை 330 கி.மீ. பாய்ந்து சென்று கடலில் விழுந்ததாகவும் தென் கொரிய ராணுவம் தெரிவித்தது. இந்த நிலையில், தனது ஏவுகணை லாஞ்சரை சோதிப்பதற்காக அந்த ஏவுகணைகள் ஏவப்பட்டதாக தற்போது வட கொரியா தெரிவித்துள்ளது.
    தனது அணு ஆயுதங்களை வட கொரியா கைவிடுவது தொடர்பாக அந்த நாட்டுக்கும் அமெரிக்காவுக்கும் இடையே நடைபெற்று வந்த பேச்சுவார்த்தை கருத்து வேறுபாடுகளால் தற்போது தடைபட்டுள்ளது. இந்த நிலையில், வட கொரியா தொடர்ந்து ஏவுகணை சோதனைகளையும், லாஞ்சர் சோதனைகளையும் மேற்கொண்டுவருகிறது.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai