உலக அளவில் கரோனா தொற்றால் பாதிக்கப்பட்டவர்களின் எண்ணிக்கை 23 லட்சத்தைத் தாண்டியுள்ளது.
சீனாவின் வூகான் நகரில் தோன்றிய கரோனா வைரஸ், 200-க்கும் மேற்பட்ட நாடுகளில் பரவி உலகையே அச்சுறுத்தி வருகிறது. கரோனா தொற்றால் அமெரிக்கா, ஸ்பெயின், இத்தாலி, பிரான்ஸ், ஜெர்மனி, ஈரான் ஆகிய நாடுகள் கடுமையான பாதிப்பை எதிர்கொண்டுள்ளன.
அந்த வைரஸால் பாதிக்கப்பட்டவர்களின் எண்ணிக்கை 23 லட்சத்தை தாண்டியுள்ளது. பலியானவர்களின் எண்ணிக்கை, ஒரு லட்சத்து 60 ஆயிரத்து 783 ஆக அதிகரித்துள்ளது. 5 லட்சத்து 99 ஆயிரத்து 998 பேர் குணமடைந்துள்ளனர்.
அமெரிக்காவில் அதிகபட்சமாக 7 லட்சத்து 38 ஆயிரத்து 913 பேர் பாதிப்பிற்கு உள்ளாகி உள்ளனர். அங்கு ஒரே நாளில் ஆயிரத்து 891 பேர் உயிரிழந்துள்ள நிலையில், பலி எண்ணிக்கை 39 ஆயிரத்து 15 ஆக அதிகரித்துள்ளது.