ஜெனீவா: உலகம் முழுவதும் கரோனா நோய்த்தொற்றால் பாதிக்கப்பட்டவா்களின் எண்ணிக்கை புதன்கிழமை 2,05,21,660 கோடியை கடந்தது.
உலக நாடுகளில் கரோனா நோய்த்தொற்று பரவல் தொடா்ந்து அதிகரித்து வருகிறது. அந்நோய்த்தொற்றால் பாதிக்கப்பட்டவா்களின் எண்ணிக்கை புதன்கிழமை காலை நிலவரப்படி, புதிதாக 10,500 பேருக்கு உறுதி செய்யப்பட்டுள்ளது. இது மூலம் ஒட்டுமொத்தமாக நோய்த்தொற்றால் பாதிக்கப்பட்டவர்களின் எண்ணிக்கை 2,05,21,660 கோடியைக் கடந்தது.
அமெரிக்காவில் 53,05,957 பேரும், பிரேஸிலில் 31,12,393 பேரும், ரஷியாவில் 8,97,599 பேரும், தென்னாப்பிரிக்காவில் 5,66,109 பேரும் கரோனா நோய்த்தொற்றால் பாதிக்கப்பட்டனா்.
கடந்த 24 மணி நேரத்தில் உலகம் முழுவதும் நோய்த்தொற்றால் பாதிக்கப்பட்டு 1,002 உயிரிழந்தனர். இதையடுத்து கரோனா தொற்று உயிரிழந்தவா்களின் எண்ணிக்கை 7,45,918-ஆக இருந்தது. அமெரிக்காவில் 1,67,749 பேரும், பிரேஸிலில் 1,03,099 பேரும், மெக்ஸிகோவில் 53,929 பேரும், இந்தியாவில் 46,188 பேரும் உயிரிழந்தனா்.
உலகம் முழுவதும் நோய்த் தொற்றுக்கு 63,34,351 பேர் சிகிச்சை பெற்று வருகின்றனர், அவர்களில் 64,618 பேரின் நிலைமை கவலைக்கிடமாக உள்ளது.
இதனிடையே, கரோனா நோய்த்தொற்று பரவல் இல்லாத நாடாக அறிவிக்கப்பட்டிருந்த நியூஸிலாந்தில், 102 நாள்களுக்குப் பிறகு முதல் முறையாக மீண்டும் அந்த நோய்த்தொற்று புதிதாக 4 பேருக்கு கண்டறியப்பட்டுள்ளது.