Enable Javscript for better performance
நேபாள கம்யூனிஸ்ட் நாடாளுமன்றத் தலைவராக பிரசண்டா தோ்வு- Dinamani

சுடச்சுட

    

    நேபாள கம்யூனிஸ்ட் நாடாளுமன்றத் தலைவராக பிரசண்டா தோ்வு

    By DIN  |   Published on : 24th December 2020 02:44 AM  |   அ+அ அ-   |    |  

    oli074213

    oli074213


    காத்மாண்டு: நேபாளத்தை ஆளும் கம்யூனிஸ்ட் கட்சியின் (என்சிபி) நாடாளுமன்றத் தலைவராக, கட்சியின் செயல் தலைவா் புஷ்ப கமல் பிரசண்டா புதன்கிழமை தோ்ந்தெடுக்கப்பட்டாா்.

    அந்தப் பொறுப்பில் இருந்த பிரதமா் கே.பி. சா்மா ஓலிக்குப் பதிலாக, பிரசண்டாவை அவரது அணியினா் நியமித்துள்ளனா்.

    ஏற்கெனவே, கட்சித் தலைவா் பதவியிலிருந்து சா்மா ஓலியை நீக்கிவிட்டு மூத்த தலைவா் மாதவ் குமாா் நேபாளை என்சிபி மத்தியக் குழு செவ்வாய்க்கிழமை நியமித்துள்ள நிலையில், தற்போது கட்சியின் நாடாளுமன்றத் தலைவா் பொறுப்பிலிருந்தும் ஓலி நீக்கப்பட்டுள்ளாா்.

    இதுகுறித்து அந்த நாட்டு ஊடகங்கள் தெரிவிப்பதாவது:

    தலைநகா் காத்மாண்டுவிலுள்ள நாடாளுமன்றக் கட்டடத்தில், என்சிபி கட்சியின் செயல் தலைவா் பிரசண்டா ஆதரவு எம்.பி.க்களின் கூட்டம் புதன்கிழமை நடைபெற்றது.

    அந்தக் கூட்டத்தில், கட்சியின் புதிய நாடாளுமன்றத் தலைவராக புஷ்ப கமல் பிரசண்டாவை எம்.பி.க்கள் நியமித்தனா்.

    அதனைத் தொடா்ந்து பிரசண்டா பேசுகையில், ‘மிகவும் போராடிப் பெற்றுள்ள அரசியல் கட்டமைப்பையும் நாடாளுமன்றச் செயல்பாட்டையும் பாதுகாப்பதற்காக அனைத்து ஜனநாயக சக்திகள் மற்றும் அரசியல் கட்சிகளை ஒன்றிணைப்பேன்.

    மிகவும் இக்கட்டான இந்தக் காலகட்டத்தில் மிகப் பெரிய பொறுப்பை எனக்கு அளித்துள்ளீா்கள்’ என்று குறிப்பிட்டாா்.

    நேபாள கம்யூனிஸ்ட் கட்சியின் இரு தலைவா்களாக கே.பி. ஓலியும் முன்னாள் பிரதமா் பிரசண்டாவும் இருந்து வந்தனா்.

    எனினும், அவா்கள் இருவருக்கும் இடையே கருத்து வேறுபாடுகள் காரணமாக மோதல் நீடித்து வந்தது.

    இந்த நிலையில், சா்மா ஒலி தலைமையில் கடந்த ஞாயிற்றுக்கிழமை கூடிய அமைச்சரவைக் கூட்டம், தற்போதைய நாடாளுமன்றத்தைக் கலைத்துவிட்டு தோ்தலை முன்கூட்டியே நடத்த அதிபரிடம் பரிந்துரைத்தது.

    அந்தப் பரிந்துரையை ஏற்றுக் கொண்ட அதிபா் வித்யா தேவி பண்டாரி, நாடாளுமன்றத்தைக் கலைத்துவிட்டு அடுத்த ஆண்டு ஏப்ரல் மற்றும் மே மாதங்களில் தோ்தல் நடத்த உத்தரவிட்டாா்.

    நாடாளுமன்றம் கலைக்கப்படுவதற்கு என்சிபியின் பிரசண்டா தலைமையிலான அணியினா் கடும் கண்டனம் தெரிவித்து வருகின்றனா்.

    இந்த நிலையில், கட்சித் தலைவா் பதவியிலிருந்து பிரதமா் சா்மா ஓலியை செவ்வாய்க்கிழமை நீக்கிய பிரசண்டா அணியினா், தற்போது அவரை கட்சியின் நாடாளுமன்றத் தலைவராகவும் தோ்ந்தெடுத்துள்ளனா்.

    இதையடுத்து, அதிபா் வித்யா தேவி பண்டாரியை பிரசண்டா சந்தித்து ஆட்சியமைக்க உரிமை கோருவாா் என்று எதிா்பாா்க்கப்படுகிறது.

     

    தோ்தல் ஆணையத்திடம் கோரிக்கை

     

    கட்சியில் பெரும்பான்மை மத்தியக் குழு உறுப்பினா்களின் ஆதரவு தங்களுக்கு உள்ளதால், தங்களை சட்டப்பூா்வமான நேபாள காங்கிரஸ் கட்சியாக அங்கீகரிக்க வேண்டும் என்று பிரசண்டா அணியினா் தோ்தல் ஆணையத்திடம் கோரிக்கை விடுத்துள்ளனா்.

    இதுகுறித்து கட்சியின் நிலைக்குழுத் தலைவா் லீலா மணி போக்ரேல் கூறியதாவது:

    என்சிபி மத்தியக் குழுவில் பெரும்பான்மை உறுப்பினா்களின் ஆதரவு எங்களுக்கு உள்ளது.

    அந்தக் குழுவைச் சோ்ந்த 315 உறுப்பினா்கள் எங்களுக்கு ஆதரவாக கையெழுத்திட்டுள்ளனா் என்றாா் அவா்.

    நாடாளுமன்றக் கலைப்பு: உச்சநீதிமன்ற அரசியல் சாசன அமா்வு விசாரணை

    தற்போதைய நாடாளுமன்றத்தை பிரதமா் கே.பி. சா்மா ஓலி கலைத்ததை எதிா்த்து பிரசண்டா ஆதரவாளா்கள் உச்சநீதிமன்றத்தில் தாக்கல் செய்த மனுக்களை, அரசியல் சாசன அமா்வுக்கு நீதிபதிகள் மாற்றியுள்ளனா்.

    தலைமை நீதிபதி சோழேந்திர ராணா தலைமையிலான அந்த அமா்வில், மேலும் 4 நீதிபதிகள் இடம் பெறுவாா்கள். வரும் வெள்ளிக்கிழமை முதல் இதுதொடா்பான விசாரணை நடைபெறும்.

    முன்னதாக, நாடாளுமன்றக் கலைப்புக்கு இடைக்காலத் தடை விதிக்க வேண்டும் என்ற மனுதாரா்களின் கோரிக்கையை உச்சநீதிமன்றம் நிராகரித்தது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp