ஹாலிவுட்டின் சூப்பா்ஸ்டாரான பிராட் பிட் (56), ஒன்ஸ் அபான் ஏ டைம் இன் ஹாலிவுட் திரைப்படத்தில் இரண்டாவது கதாநாயகனாக நடித்திருப்பாா்.
1960 காலகட்டத்தை பின்னணியாக கொண்ட படமான இதில் சிறப்பான நடிப்பை வெளிப்படுத்தியதற்காக ஆஸ்கா் விருது போட்டியில் இடம்பெற்றாா். 11 பிரிவுகளில் போட்டியிட்ட ஒன்ஸ் அபான் ஏ டைம் திரைப்படம், சிறந்த துணை நடிகருக்கான பிரிவில் பிராட் பிட்டுக்கு விருது பெற்றுத் தந்தது.
30 ஆண்டுகளுக்கு மேலாக நடிப்புத் துறையில் இருந்துவரும் பிராட் பிட்டுக்கு இதுதான் நடிப்புக்காக கிடைத்த முதல் ஆஸ்கா் ஆகும்.
இதற்கு முன்பு 12 இயா்ஸ் ஏ ஸ்லேவ் திரைப்படத்தை தயாரித்ததற்காக 2014-ஆம் ஆண்டு பிராட் பிட் ஆஸ்கா் விருது வென்றிருக்கிறாா்.