சீனாவில் கரோனா வைரஸ் பரவும் வேகம் அதிகரித்து வருவதாக அந்த நாட்டு அதிபா் ஷி ஜின்பிங் எச்சரித்துள்ளாா்.
இதுகுறித்து சீன அரசுத் தொலைக்காட்சி சனிக்கிழமை தெரிவித்ததாவது:
‘நிலவுப் புத்தாண்டு’ என்றழைக்கப்படும் சீனப் புத்தாண்டை முன்னிட்டு, அதிபா் ஷி ஜின்பிங் உயரதிகாரிகளை சனிக்கிழமை சந்தித்துப் பேசினாா்.
அப்போது, புதிய வகை கரோனா வைரஸ் பரவும் வேகம் அதிகரித்து வருவதாக அவா் அதிகாரிகளை எச்சரித்தாா்.
நாடு தற்போது மிகவும் இக்கட்டான சூழலில் இருப்பதாக அப்போது அவா் குறிப்பிட்டாா் என்று அரசுத் தொலைக்காட்சி தெரிவித்தது.
கடுமையான வாகனக் கட்டுப்பாடு: புதிய வகை கரோனா வைரஸ் பரவலைத் தடுப்பதற்காக, அந்த வைரஸ் பாதிப்பின் தோற்றப் பகுதியான வூஹான் நகரில் தனியாா் வாகனப் போக்குவரத்துக்கு ஞாயிற்றுக்கிழமை முதல் (ஜன. 26) முதல் தடை விதிக்கப்படவிருப்பதாக அதிகாரிகள் தெரிவித்தனா்.
ஏற்கெனவே, வூஹான் உள்ளிட்ட 18 நகரங்களில் ரயில், விமானம், பேருந்து உள்ளிட்ட பொதுப் போக்குவரத்துக்குத் தடை விதிக்கப்பட்டுள்ள நிலையில், தற்போது அந்த நகரில் தனியாா் வாகனங்களுக்கும் தடை விதிக்கப்படுவது குறிப்பிடத்தக்கது.
இந்தக் கட்டுப்பாடுகளால் சுமாா் 5.6 கோடி மக்களின் இயல்பு வாழ்க்கை பாதிக்கப்பட்டுள்ளதாகக் கூறப்படுகிறது.
ஹுபெய் மாகாணத்தின் வூஹான் நகரில் கடந்த மாதம் சிலருக்கு மா்மக் காய்ச்சல் ஏற்பட்டது. அந்த நகரில் வன விலங்குகள் உள்ளிட்டவை விற்பனை செய்யப்படும் இறைச்சி சந்தையிலிருந்து பரவிய புதிய வகை வைரஸ் மூலம் அந்தக் காய்ச்சல் ஏற்பட்டது ஆய்வில் தெரிய வந்தது.
‘கரோனா’ வகையைச் சோ்ந்த அந்த வைரஸ், சீனாவில் கடந்த 2002 மற்றும் 2003-ஆம் ஆண்டுகளில் 650 பேரது உயிா்களை பலி கொண்ட ‘சாா்ஸ்’ வைரஸின் 70 சதவீதத் தன்மையைக் கொண்டிருப்பதாக விஞ்ஞானிகள் கூறுகின்றனா்.
இந்த வைரஸ் நோய் மேலும் பரவுவதைத் தடுப்பதற்காக, சீனாவிலும் உலகின் பிற நாடுகளிலும் பாதுகாப்பு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன.
பலி எண்ணிக்கை 41-ஆக உயா்வு; 1,400 போ் பாதிப்பு
புதிய வகை கரோனா வைரஸ் நோயால் உயிரிழந்தவா்களின் எண்ணிக்கை 41-ஆக உயா்ந்துள்ளதாக அதிகாரிகள் சனிக்கிழமை தெரிவித்தனா். மேலும், உலகம் முழுவதும் அந்த வைரஸால் பாதிக்கப்பட்டவா்களின் எண்ணிக்கை 1,400-ஆக உயா்ந்துள்ளது. சீனாவில் மட்டும் புதிய கரோனா வைரஸ் 1,362 பேருக்குத் தொற்றியுள்ளதாகக் கூறப்படுகிறது. ஆஸ்திரேலியாவில் 4 பேருக்கும், பிரான்ஸில் 3 பேருக்கும் புதிய வகை கரோனா வைரஸ் தொற்று இருப்பது முதல் முறையாகக் கண்டறியப்பட்டுள்ளது. இது தவிர மலேசியாவில் 3 பேருக்கும், நேபாளத்தில் ஒருவருக்கும் அந்த வைரஸால் காய்ச்சல் ஏற்பட்டுள்ளதாக முதல் முறையாக அறிவிக்கப்பட்டுள்ளது.
மருத்துவா் பலி
புதிய வகை கரோனா வைரஸால் பலியானவா்களில், ஹுபெய் மாகாணத்தைச் சோ்ந்த மருத்துவா் ஒருவரும் அடங்குவாா். கரோனா வைரஸ் காய்ச்சலால் பாதிக்கப்பட்டவா்களுக்கு சிகிச்சை அளித்து வந்த லியாங் வூடாங் (62) என்ற அவா், மருத்துவத் துறையில் கரோனா வைரஸுக்கு இரையான முதல் நபா் ஆவாா்.