பாகிஸ்தானில் கரோனா நோய்த்தொற்றால் பாதிக்கப்பட்டவா்களின் எண்ணிக்கை வியாழக்கிழமை 2.4 லட்சத்தைக் கடந்தது. இதுகுறித்து அந்த நாட்டு சுகாதாரத் துறை அதிகாரிகள் கூறியதாவது:நாடு முழுவதும் கடந்த 24 மணி நேரத்தில் 3,359 பேருக்கு கரோனா நோய்த்தொற்று இருப்பது உறுதி செய்யப்பட்டுள்ளது. இத்துடன், அந்த நோயால் பாதிக்கப்பட்டவா்களின் மொத்த எண்ணிக்கை 2,40,848-ஆக அதிகரித்துள்ளது. அதிகபட்சமாக, சிந்து மாகாணத்தில் 99,362 பேருக்கு கரோனா பாதிப்பு ஏற்பட்டுள்ளது. நாடு முழுவதும் 2,193 கரோனா நோயாளிகளின் நிலைமை கவலைக்கிடமாக உள்ளது என்று அதிகாரிகள் தெரிவித்தனா். பாகிஸ்தானில் இதுவரை 4,983 போ் கரோனாவுக்கு பலியாகியுள்ளனா்.