Enable Javscript for better performance
கண்முன்னே பெற்றோரைக் கொன்ற தலிபான்களை சுட்டுக் கொன்ற ஆஃப்கன் சிறுமி- Dinamani

சுடச்சுட

    

    கண்முன்னே பெற்றோரைக் கொன்ற தலிபான்களை சுட்டுக் கொன்ற ஆஃப்கன் சிறுமி

    By ENS  |   Published on : 23rd July 2020 11:51 AM  |   அ+அ அ-   |    |  

    qamar_gul

    கண்முன்னே பெற்றோரைக் கொன்ற தலிபான்களை சுட்டுக் கொன்ற ஆஃப்கன் சிறுமி

    காஸ்னி: ஆஃப்கன் அரசுக்கு ஆதரவு அளித்த தனது பெற்றோரை சுட்டுக் கொன்ற தலிபான் பயங்கரவாதிகளை தனது கையால் சுட்டுக் கொன்ற சிறுமிக்கு பாராட்டுகள் குவிந்து வருகிறது.

    சிறுமி நடத்திய துப்பாக்கிச் சூட்டில் இரண்டு தலிபான் பயங்கரவாதிகள் கொல்லப்பட்டனர். பலர் காயமடைந்தனர்.

    கோர் மாகாணத்தின் மத்தியப் பகுதியைச் சேர்ந்த கிராமத்தில் கமர் கல் என்ற சிறுமியின் வீட்டில் இருந்த தனது பெற்றோரை, சாலைக்கு இழுத்துச் சென்று தன் கண் முன்னே தலிபான் பயங்கரவாதிகள் சுட்டுக் கொன்றதற்கு பழிக்குப் பழிவாங்கும் வகையில் இந்த சம்பவத்தை அப்பெண் நிகழ்த்தியுள்ளார்.

    இந்த சம்பவம் குறித்து காவல்துறை தரப்பில் கூறப்படுவதாவது, சிறுமியின் தந்தை அந்த கிராமத்தின் தலைவர், ஆஃப்கான் அரசின் ஆதரவாளரும் கூட.

    அவரைத் தேடி வந்த பயங்கரவாதிகள், வீட்டுக்குள் இருந்து சிறுமியின் தந்தையை இழுத்துச் சென்று கொல்ல முயன்றனர். அதனை தடுக்க முயன்ற அவரது மனைவியையும், அவரையும் தலிபான் பயங்கரவாதிகள் சுட்டுக் கொன்றனர்.

    இந்த சம்பவம் நடந்த போது வீட்டுக்குள் இருந்த சிறுமி கமர் கல், தனது தந்தையின் ஏகே 47 ரக துப்பாக்கியை எடுத்து வந்து, தனது பெற்றோரைக் கொன்ற இரண்டு தலிபான் பயங்கரவாதிகளை நோக்கி சுட்டார்.  இதில் இருவரும் சம்பவ இடத்திலேயே உயிரிழந்தனர். அருகில் இருந்த பயங்கரவாதிகளும் சிறுமி நடத்திய துப்பாக்கிச் சூட்டில் காயமடைந்தனர் என்று காவல்துறை தெரிவித்துள்ளது.

    கமர் கலுக்கு 14 - 16 வயது இருக்கலாம், ஆஃப்கனில் பொதுவாக பலருக்கும் சரியான வயது தெரிந்திருப்பதில்லை. 

    இந்தச் சம்பவத்தை அடுத்து ஏராளமான தலிபான் பயங்கரவாதிகள் அப்பெண்ணின் வீட்டை தாக்கினர். அப்போது, அருகில் இருந்த கிராம மக்களும், பாதுகாப்புப் பணியில் இருந்த ராணுவமும் துப்பாக்கிச் சூடு நடத்தினர்.

    தற்போது கமர் கல்லும், அவரது இளைய சகோதரரும் பாதுகாப்பான பகுதியில் தங்க வைக்கப்பட்டுள்ளனர். இந்த சம்பவம் குறித்து சமூக வலைத்தளங்களில் செய்திகள் பரவிய நிலையில், பல தரப்பில் இருந்தும் கமர் கல்லுக்கு பாராட்டுகளும் வாழ்த்துகளும் குவிந்து வருகிறது. 

    TAGS
    terrorist

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp