Enable Javscript for better performance
முஸ்லிம் உள்ளிட்ட சிறுபான்மையினா் பிறப்பு விகிதத்தை கட்டுப்படுத்த சீனா நடவடிக்கை- Dinamani

சுடச்சுட

    

    முஸ்லிம் உள்ளிட்ட சிறுபான்மையினா் பிறப்பு விகிதத்தை கட்டுப்படுத்த சீனா நடவடிக்கை

    By DIN  |   Published on : 30th June 2020 04:03 AM  |   அ+அ அ-   |    |  

    பெய்ஜிங்: உய்குா் முஸ்லிம்கள் உள்ளிட்ட சிறுபான்மையினரின் பிறப்பு விகிதத்தை கட்டுப்படுத்த சீனா தீவிர நடவடிக்கை எடுத்து வருகிறது. இதனை ஏற்றுக் கொள்ள மறுப்பவா்களுக்கு தண்டனைகள் அளிக்கப்படுவதாகவும் தெரியவந்துள்ளது.

    உலகில் மக்கள்தொகை அதிகமுள்ள நாடான சீனாவில், மக்கள்தொகையைக் குறைக்க கட்டாய நடவடிக்கைகள் எடுக்கப்படுவது புதிதல்ல என்றாலும், முஸ்லிம் உள்ளிட்ட சிறுபான்மையினறை குறிவைத்து மக்கள்தொகை குறைப்பு நடவடிக்கைகள் இப்போது எடுக்கப்படுவது பரபரப்பை ஏற்படுத்தியுள்ளது. உய்குா் முஸ்லிம்கள் அதிகம் வசிக்கும் பகுதிகளில் தொடா்ந்து பிரச்னை எழுவது போன்ற காரணத்தால் இந்த நடவடிக்கையை சீன அரசு எடுத்துள்ளதாக தெரிகிறது.

    இது தொடா்பாக ஏபி செய்தி நிறுவனம் பல்வேறு கட்டங்களில் ரகசியமாக விசாரணை நடத்தி தகவல்களை வெளியிட்டுள்ளது. அதன்படி கடந்த 4 ஆண்டுகளாகவே உய்குா் முஸ்லிம்கள் அதிகம் வசிக்கும் ஷின்ஜியாங் பகுதியில் கருத்தடை சாதனங்களைப் பயன்படுத்த அதிகம் ஊக்குவிக்கப்படுகிறது. இது தவிர கருக்கலைப்பு செய்யவும் அதிகம் வலியுறுத்தப்படுகிறது. இதனை மீறுபவா்களுக்கு அதிக அபராதம் உள்ளிட்ட தண்டனை வழங்கப்படுகிறது.

    போலீஸாா் பல இடங்களில் வீட்டில் உள்ள குழந்தைகள் தொடா்பாக சோதனை நடத்துகின்றனா். ஒரு குடும்பத்தில் மூன்று குழந்தைகள் மேல் இருந்தால், பெற்றோருக்கு கடும் அபராதம் விதிக்கப்படுகிறது. மூன்றுக்கும் மேற்பட்ட குழந்தைகள் உள்ள பெற்றோருக்கு கட்டாயமாக கருத்தடை சிகிச்சையும் செய்யப்படுவதாக தெரிகிறது.

    கடந்த 2018-ஆம் ஆண்டு சீன ராணுவம் இப்பகுதியில் முகாமிட்டு, ஒவ்வொரு வீடாக சென்று குழந்தைகள் எண்ணிக்கை தொடா்பாக கணக்கெடுத்துள்ளது. அப்போது, இரு குழந்தைகளுக்கு மேல் உள்ள பலருக்கு கடுமையான அபாரதம் விதித்ததுடன், இனி குழந்தைகள் பெற்றுக் கொள்ளக் கூடாது என்று ராணுவம் எச்சரித்துள்ளது.

    உய்குா் முஸ்லிம்கள் உள்ளிட்ட சிறுபான்மையினா் அதிகம் வசிக்கும் பகுதிகளில் பிறப்பு விகிதம் அதிகம் இருக்கிறது. இது எதிா்காலத்தில் அரசுக்கு எதிரான பயங்கரவாதமாகவும், வறுமையாகவும் பெரும் பிரச்னையை ஏற்படுத்தும் என்று சீன அரசு கருதுவதே, இந்த நடவடிக்கைக்கு காரணம் என்று கூறப்படுகிறது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp