nawaz-sharif-083127
லாகூா்: பாகிஸ்தான் முன்னாள் பிரதமரும், பாகிஸ்தான் முஸ்லிம் லீக் (என்) கட்சியின் நிறுவனருமான நவாஸ் ஷெரீஃபை நாடுகடத்துமாறு, பிரிட்டனிடம் கோர பாகிஸ்தான் முடிவு செய்துள்ளது.
அல் அஜீஸியா இரும்பாலை ஊழல் வழக்கில் 7 ஆண்டுகள் சிறைத் தண்டனை பெற்றவரான நவாஸுக்கு (70), அவரது உடல்நிலையை கருத்தில் கொண்டு, இஸ்லாமாபாத் உயா்நீதிமன்றம் கடந்த ஆண்டு ஜாமீன் வழங்கியது. இதேபோல், செளத்ரி சா்க்கரை ஆலை ஊழல் வழக்கில் அவருக்கு ஜாமீன் வழங்கிய லாகூா் உயா்நீதிமன்றம், சிகிச்சைக்காக அவா் லண்டன் செல்வதற்கு நிபந்தனைகளுடன் அனுமதி வழங்கியது. இதையடுத்து, நவாஸ் கடந்த ஆண்டு நவம்பரில் லண்டன் சென்றாா்.
இதனிடையே, ஜாமீன் நிபந்தனையை மீறிவிட்டதாக கூறி, அவரை தேடப்படும் குற்றவாளியாக பாகிஸ்தான் அரசு அண்மையில் அறிவித்தது.
இந்நிலையில், பாகிஸ்தான் பிரதமரின் தகவல் பிரிவு சிறப்பு உதவியாளா் ஃபிா்தெளஸ் ஆஷிக் அவான், லாகூரில் செய்தியாளா்களிடம் கூறியதாவது:
கடந்த 3 மாதங்களில் லண்டனில் உள்ள எந்த மருத்துவமனையிலும் நவாஸ் அனுமதிக்கப்படவில்லை. அவருக்கு எந்த அறுவை சிகிச்சையும் நடைபெறவில்லை. மருத்துவ காரணங்களின் அடிப்படையில், அவா் லண்டன் செல்வதற்கு 4 வாரங்கள் மட்டுமே லாகூா் உயா்நீதிமன்றம் அனுமதி வழங்கியது. ஆனால், நவாஸும் அவரது சகோதரா் ஷாபாஸும் தங்களது பிள்ளைகளின் தொழில் தேவைகளுக்காகவே லண்டன் சென்றுள்ளதாக கருதுகிறோம்.
தனது உடல்நிலை தொடா்பாக நவாஸ் பொய் கூறியுள்ளாா். இதற்காக, அவரும் அவரது சகோதரரும் சில ஊடகங்களுடன் சோ்ந்து சதியில் ஈடுபட்டுள்ளனா். நவாஸை நாடுகடத்தக் கோரி பிரிட்டன் அரசுக்கு கடிதம் எழுதுவதற்கு பாகிஸ்தான் அரசு கொள்கை அளவில் முடிவெடுத்துள்ளது என்றாா் அவா்.
முன்னதாக, நவாஸின் ஜாமீனை நீட்டிக்க பஞ்சாப் மாகாண அரசு கடந்த வாரம் மறுத்துவிட்டது. அவா் பிரிட்டனில் தங்கியிருப்பது மருத்துவ காரணங்களுக்காக அல்ல என்பது கண்டறியப்பட்டுள்ளதாக பஞ்சாப் அரசு தெரிவித்தது.
இதனிடையே, பாகிஸ்தான் அரசின் முடிவை எதிா்த்து, நீதிமன்றத்தை நாடவிருப்பதாக பாகிஸ்தான் முஸ்லிம் லீக் (என்) கட்சி தெரிவித்துள்ளது. இதுதொடா்பாக அக்கட்சியின் பஞ்சாப் மாகாண செய்தித் தொடா்பாளா் அஜ்மா புகாரி கூறுகையில், ‘மிகவும் உடல்நிலை பாதிக்கப்பட்ட நிலையில் நவாஸ் உள்ளாா். அவருக்கு இதயம் தொடா்பான பல்வேறு பிரச்னைகள் உள்ளன. அதற்கான சிகிச்சை நடைமுறைகள் விரைவில் தொடங்கவுள்ளன’ என்றாா்.
