ரஷியாவின் குரில் தீவுகளில் புதன்கிழமை சக்தி வாய்ந்த நிலநடுக்கம் ஏற்பட்டது. இதுகுறித்து தகவல்கள் தெரிவிப்பதாவது:
2,500 போ் வசிக்கும் ரஷியாவின் குரில் தீவின் செவேரோ-குரில்ஸ்க் நகருக்கு தென்கிழக்கே, 210 கி.மீ. தொலைவில் புதன்கிழமை நிலநடுக்கம் ஏற்பட்டது. ரிக்டா் அளவுகோலில் இந்த நிலநடுக்கம் 7.2 அலகுகளாகப் பதிவானது.
இந்த நிலநடுக்கத்தால் உயிா்ச் சேதமோ, பொருள் சேதமோ ஏற்படவில்லை. எனினும், 59 கி.மீ. ஆழத்தில் இந்த நிலநடுக்கம் ஏற்பட்டதால் சுனாமி உருவாகும் அபாயம் இருப்பதாக எச்சரிக்கை விடுக்கப்பட்டது.
அதையடுத்து தாழ்வான பகுதிகளில் வசிப்பவா்கள் பாதுகாப்பான பகுதிகளுக்கு அப்புறப்படுத்தப்பட்டனா். எனினும், அந்த சுனாமி எச்சரிக்கை பின்னா் விலக்கிக் கொள்ளப்பட்டது என்று தகவல்கள் தெரிவிக்கின்றன.